نۇر- سۇلتاندا ءوتىپ بارا جاتقان ادامدى توناعان ۇرى ۇستالدى
انىقتالعانداي، جاس جىگىت تۇنگى ۋاقىتتا، ساعات 23.00 شاماسىندا ەسەنبەرلين كوشەسىمەن كەلە جاتىپ، ۇيالى تەلەفونمەن سويلەسكەن. وسى ۋاقىتتا كۇدىكتى وعان جاقىنداپ كەلىپ، الدەبىرەۋگە قوڭىراۋ شالۋدى وتىنگەن.
«جاس جىگىت ونىڭ وتىنىشىنەن باس تارتقان. جاۋاپ رەتىندە قاسكۇنەم ونىڭ جاق تۇسىنان ۇرىپ، قۇنى 100 مىڭ تەڭگە تۇراتىن تەلەفونىن تارتىپ الىپ، قاشىپ كەتكەن. پوليتسيا قىزمەتكەرلەرى ۇرلىق جاساعانى ءۇشىن بۇرىن سوتتالعان 34 جاستاعى كۇدىكتىنى «ءىزىن سۋىتپاي» ۇستادى»، - دەپ جازدى ەلوردالىق پوليتسيا دەپارتامەنتىنەن.
قازىرگى ۋاقىتتا توناۋ فاكتىسى بويىنشا سوتقا دەيىنگى تەرگەۋ جۇرگىزىلۋدە. ۇستالعان ازاماتتىڭ قالا اۋماعىندا جاسالعان باسقا دا ۇقساس قىلمىستارعا قاتىستىلىعى تەكسەرىلۋدە. كۇدىكتى ۋاقىتشا ۇستاۋ يزولياتورىنا قامالدى.
