بۇگىن فۋتبولدان قازاقستان كۋبوگىنىڭ توپتىق كەزەڭى باستالادى

العاشقى تۋر ويىندارى 8، 9، 10- شىلدە كۇندەرى وتكىزىلەدى.

ال ەكىنشى تۋر 15، 16، 17- شىلدەگە بەلگىلەنگەن.

بۇگىن 8- شىلدەدە «اقسۋ» مەن «اتىراۋ»، «قايسار» مەن «اقجايىق»، «شاحتەر» مەن «تۇران»، «جەتىسۋ» مەن «استانا» كوماندالارى كەزدەسەدى.

ال 9- شىلدەدە «قايرات» پەن «ورداباسى»، «تاراز» بەن «توبىل»، «ماقتارال» مەن «اقتوبە» جاسىل الاڭعا شىعادى. قازاقستان كۋبوگىنىڭ العاشقى تۋرىن 10- شىلدەدە «كاسپي» مەن «قىزىلجار» كوماندالارى تۇيىندەيدى.

سونداي-اق كوماندالار ءۇشىنشى تۋر ويىندارىن 22، 23، 24، ءتورتىنشى تۋردى 29، 30، 31- شىلدە كۇندەرى وتكىزسە، بەسىنشى تۋر 5، 6، 7- تامىزعا ەسەپتەلگەن.

التىنشى تۋر 13، 14، 15- تامىزدا وينالادى.

جەرەبە ناتيجەسى بويىنشا 16 كوماندا ءتورت توپقا بولىنگەن. ونىڭ 14 ءى پرەمەر-ليگادا سىنعا تۇسەتىن كلۋبتار بولسا، جارىستىڭ ءۇش ساتىسىندا جەڭىمپاز اتانعان «قايسار» مەن «جەتىسۋ» ولاردىڭ قاتارىنا قوسىلدى.

كوماندالاردىڭ توپتارعا ءبولىنۋى تومەندەگىشە:

ا توبى: «اقسۋ»، «اتىراۋ»، «قايرات»، «ورداباسى»

ب توبى: «قايسار»، «اقجايىق»، «كاسپي»، «قىزىلجار»

س توبى: «اقتوبە»، «ماقتاارال»، «تاراز»، «توبىل»

د توبى: «شاحتەر»، «تۇران»، «جەتىسۋ»، «استانا».

ەسكە سالساق، بۇدان بۇرىن فۋتزالدان 2024-جىلعى الەم چەمپيوناتى نەگىزگى ساتىسىنىڭ جەرەبەسى تارتىلعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى