قازاقستان عالىمدارى سارىسۋدان سۋسىن ءوندىرىپ جاتىر

قازىر بيولوگيالىق ءونىم ساۋدا ورىندارىنا ساتىلىمعا شىقتى. ەلىمىزدە ءدال قازىرگى ۋاقىتتا توقتاۋسىز جۇمىس ىستەپ تۇرعان 200-گە تارتا ءسۇت زاۋىتى بار. ءسۇت وڭدەلگەن سوڭ ول جەردەن كۇنىنە جۇزدەگەن توننا سارىسۋ سىرتقا توگىلەدى. ەگەر ءوندىرۋشى ونى زاڭسىز توكسە ايىپپۇل تولەيدى. سەبەبى سارىسۋ قورشاعان ورتاعا زيان كەلتىرەدى. ءدال وسى ماسەلەمەن ميكروبيولوگيا جانە ۆيرۋسولوگيا عىلىمي- وندىرىستىك ورتالىعىنىڭ عالىمدارى 6 جىلعا جۋىق اينالىستى. ناتيجەسىندە سارىسۋدان ادام اعزاسىنا وتە پايدالى سۋسىن جاساپ شىعاردى.

امانگەلدى سادانوۆ، بيولوگيا عىلىمدارىنىڭ دوكتورى، پروفەسسور، اكادەميك:

- نەگىزگى ونىڭ وسنوۆاسى ءسۇت قوي. ءسۇتتىڭ قالدىعى. ءبارىنىڭ ماڭىزىن الىپ تاستايدى. ءبىراق ىشىندە پاتوگەننىي ميكروورگانيزمدەر پايدا بولادى. مىنا ۋسلوۆنو پاتوگەننىي، شارتتى پاتوگەننىي ورگانيزمدى ولتىرەتىن ميكروبتاردى تاپتىق. ونى ولتىردىك. ەندى سول قالعان نارسەسىنىڭ ىشىندە ادامعا، ورگانيزمگە پايدالى ميكروورگانيزمدى قوستىق. سويتتىك تە بروجەنيە جاساپ، ونى اشىتىپ، ناعىز ادامعا كەرەك سۋسىن جاساپ شىعاردىق.

ال وڭدەلمەگەن سارىسۋدىڭ ءوزىن ىشۋگە بولمايدى. ول زيان. سوندىقتان عالىمدار سۋسىندى جاساۋدا وتە مۇقيات بولعان. وندىرىسكە دەيىن 11 كەزەڭنەن تۇراتىن تەكسەرىستەن وتكەن. قازىر سۋسىن قالا ىرگەسىندەگى ءسۇت زاۋىتتارىنىڭ بىرىندە شىعارىلىپ جاتىر.

امانگەلدى سادانوۆ، بيولوگيا عىلىمدارىنىڭ دوكتورى، پروفەسسور، اكادەميك:

- ونىڭ تەحنولوگياسى بىزدىكى. بەرەتىن زاكۆاسكا دەيدى اشىتقىسى بىزدىكى. تەك ولاردان ترۋبامەن اعىپ كەلەدى دە ۇلكەن ەمكوستقا سالادى 2، 3، 5 توننا. سونىمەن ءبىز بروجەنيەسىن جۇرگىزەمىز. ميكروبيولوگيالىق پروتسەستەردىڭ ءبارىن جۇرگىزىپ، سونان كەيىن رازليۆ جاساپ قالاعا ساتىپ جاتىر. سۋسىننىڭ قۇرامىندا ەشقانداي حيميالىق قوسپا جوق. سوندىقتان تازا بيولوگيالىق ءونىم دەپ ايتىلادى. تۇراقتى تۇردە ءىشىپ تۇرعان جاعدايدا اسقازان، ىشەك جولدارى اۋرۋلارىنىڭ الدىن الادى. قازىر عالىمدار سارىسۋدان جاسالعان سۋسىننىڭ تاعى 4 ءتۇرىن شىعارۋدى قولعا الىپ جاتىر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى