تالدىقورعاندا قاراتال وزەنى ەرەكشە تۇسكە بويالدى
الماتى وبلىسى بويىنشا ەكولوگيا دەپارتامەنتى بويالعان سۋدى تالدىقورعان قالاسىنىڭ وتەناي اۋىلدىق وكرۋگىنەن 12-13 شاقىرىم جەردە قاراتال وزەنىنىڭ جاعاسىنان انىقتادى.
ەكولوگتار پوليتسيا، پروكۋراتۋرا، اكىمدىك، ازاماتتىق قورعاۋ قىزمەتكەرلەرىمەن بىرگە ازامات ا. لۋچكيننىڭ وتىنىشىنەن كەيىن وقيعا ورنىنا باردى.
«زەرتحانالىق-تالدامالى باقىلاۋ ءبولىمىنىڭ ماماندارى قاراتال وزەنىنىڭ جاعاسىنان جانە بەلگىسىز مايعا ۇقساس زاتتىڭ توگىندىلەرى ورنىنان حيميالىق تالداۋ جۇرگىزۋ ءۇشىن سۋ سىنامالارىن الدى»، - دەپ حابارلادى ەكولوگيا دەپارتامەنتىنەن.
كىنالى تۇلعانى انىقتاۋ ءۇشىن پوليتسيا قىزمەتكەرلەرى جەدەل ىزدەستىرۋ شارالارىن جۇرگىزىپ جاتىر.
