الماتى وبلىسىنىڭ كەگەن اۋدانىندا رەسپۋبليكالىق جولدى سۋ شايىپ كەتتى
«الماتى وبلىسىنىڭ كەگەن اۋدانىندا رەسپۋبليكالىق ماڭىزى بار كوكپەك - كەگەن - ءتۇپ - جالاڭاش - ساتى - كولساي كولى جولىنىڭ 10-11 شاقىرىم ارالىعىنداعى جيەكتى 23-ماۋسىم كۇنگى نوسەر جاڭبىر شايىپ كەتتى. اتالعان ۋچاسكەدە جول قاۋىپسىزدىگىن قامتاماسىز ەتۋ ماقساتىندا توتەنشە جاعدايلاردىڭ الدىن الۋ مەكەمەسى، اۋدان اكىمشىلىگى، پوليتسيا قىزمەتكەرلەرى، دەۋ-91 مەكەمەسىنىڭ وكىلدەرى تاراپىنان كەزەكشىلىك ۇيىمداستىرىلىپ، جول قوزعالىسى قالپىنا كەلتىرىلدى. جول قاۋىپسىزدىگىن قامتاماسىز ەتۋ ماقساتىندا تابيعات سالدارىنان ورىن العان جاعدايدى قالپىنا كەلتىرۋ جۋمىستارى جۇرگىزىلۋدە»، - دەلىنگەن كەگەن اۋدانى اكىمىنىڭ باسپا ءسوز قىزمەتىنىڭ حابارلاماسىندا.
اۆتور: سامال قابىشەۆا
