تەرىس قىلىعى ءۇشىن الماتىلىق دەنساۋلىق ساقتاۋ دەپارتامەنتى باسشىسىنىڭ ورىنباسارى قىزمەتىنەن بوساتىلدى
«الماتى قالاسىنىڭ ادەپ جونىندەگى كەڭەستىڭ شەشىمىمەن مەملەكەتتىك قىزمەت بەدەلىنە نۇقسان كەلتىرەتىن تەرىس قىلىعى ءۇشىن الماتى قالاسىنىڭ قوعامدىق دەنساۋلىق ساقتاۋ دەپارتامەنتى باسشىسىنىڭ ورىنباسارى لاۋرا مىرزاعالي تارتىپتىك جاۋاپقا تارتىلدى (مەملەكەتتىك قىزمەتكە ءۇش جىل ىشىندە جۇمىسقا كىرۋگە تىيىم سالىنادى) جانە قازىرگى ۋاقىتتا مەملەكەتتىك قىزمەتتەن بوساتىلدى»، - دەلىنگەن قالالىق اكىمدىكتىڭ باسپا ءسوز قىزمەتىنىڭ حابارلاماسىندا.
ەسكە سالساق، بۇعان دەيىن لاۋرا مىرزاعاليدى قىزمەتىنەن بوساتۋ تۋرالى شەشىم قابىلداعانىن، ءبىراق، جۇمىسىنان ءالى بوساتىلماعانىن جازعانبىز. سونداي-اق دەنساۋلىق ساقتاۋ باسقارماسىنىڭ باسشىسى شەشىمدى 10 جۇمىس كۇنى ىشىندە (20-مامىرعا دەيىن) قابىلداۋى كەرەك بولعانىن، جانە الەۋمەتتىك جەلىلەردە لاۋرا مىرزاعاليدىڭ قىزمەتكەرمەن سىياقى تۋرالى ءسوز تالاستىرعان ۆيدەو تاراعانى، كەيىن مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتى دارىگەر لاۋرا مىرزاعاليعا قاتىستى تەكسەرۋ باستالعانىن ءمالىم ەتكەنىن حابارلاعان بولاتىنبىز.
