ەۋرووداق ەلدەرىنىڭ كوشباسشىلارى ۋكرايناعا كانديدات مارتەبەسىن بەرمەك

اگەنتتىك مالىمەتىنشە، بۇل قادام وسى اپتادا، 23-24-ماۋسىمدا ە و ەلدەرى كوشباسشىلارىنىڭ سامميتىندە جۇزەگە اسىرىلعان.

بۇدان بولەك، مەملەكەتتەر مولدوۆاعا، گرۋزياعا كانديدات مارتەبەسىن بەرۋگە دايىن، الايدا قوسىمشا شارتتار ورىندالۋ كەرەك. ەگەر كيەۆتىڭ ە و-عا كىرۋگە كانديدات مارتەبەسى ماقۇلدانسا، ۋكراينا بيلىگى وداققا كىرۋ ءۇشىن قويىلاتىن بارلىق تالاپتارعا ساي كەلۋدىڭ ءبىراقاتار شارتتارىن ورىنداۋى ءتيىس: جوعارعى سوتقا سۋديالاردى تاعايىنداۋ ءراسىمىن زاڭ جۇزىندە بەكىتۋ، سىبايلاس جەمقورلىققا قارسى كۇرەستى كۇشەيتۋ، اقشانى جىلىستاتۋعا جانە وليگارحياعا قارسى كۇرەس جونىندە زاڭدار قابىلداۋ، وسى سالاداعى ءوز زاڭناماسىن ەۋروپالىق نورمالارمەن كەلتىرە وتىرىپ، ب ا ق-تىڭ تۇراقسىزدىعىن بولدىرماۋ، سونداي-اق ۇلتتىق ازشىلىقتاردىڭ قۇقىقتارى جونىندەگى قۇقىقتىق رەفورمالاردى اياقتاۋ. ەۋروكوميسسيا بارلىق تارماقتار بويىنشا پروگرەسستى مۇقيات قاراپ، كەلەسى جىلى سايكەس بايانداما ۇسىناتىنى اتالىپ ءوتىلدى.

اۆتور: اقبوپە ءابدراسۋل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى