الماتىعا جەتكىزىلەتىن قانت كولەمى ۇلعايتىلدى

«مەن ازىق- تۇلىكتى كوتەرمە ساۋدا بازارىنان الام. سونىڭ ىشىندە قانت تا بار. دەمالىس كۇنى بازاردان قۇمشەكەردى ارەڭ تاپتىم. باعاسى شارىقتاپ كەتكەن. ءبىر كەلى قانت - 800 تەڭگە. امال جوق 25 كەلىسىن 20 مىڭ تەڭگەگە ساتىپ الدىق»، - دەيدى الماتى قالاسىنىڭ تۇرعىنى زينا مۇسايەۆا.

الماتىنىڭ تاعى ءبىر تۇرعىنى نۇرگۇل قاناتوۆا ءۇي جانىنداعى دۇكەندەردە قانت مۇلدەم جوق ەكەنىن ايتادى.

«ۇيگە جاقىن بىرنەشە دۇكەنگە باردىم. قانت جوق. ساتۋشىلار قازىر قالادا قانت تاپشى ەكەنىن، دۇكەندەرىنە ءالى جەتكىزىلمەگەنىن ايتتى. سوندىقتان، شاقپاق قانت ساتىپ الدىم. ونىڭ دا باعاسى كوتەرىلىپتى - 675 تەڭگە»، - دەيدى نۇرگۇل قاناتوۆا.

ال، الماتى اكىمدىگىنىڭ مالىمەتىنشە، قانتقا دەگەن سۇرانىستى وتەۋ ماقساتىندا كاسىپكەرلىك جانە ينۆەستيتسيالار باسقارماسى ءونىمدى جەتكىزۋ كولەمىن ارتتىرعان.

«بۇعان دەيىن كۇنىنە 250 تونناعا جۋىق قانت جەتكىزىلەتىن. ءىرى ساۋدا جەلىلەرىندەگى كوتەرمە باعا - 420-445 تەڭگە. بۇگىندە الماتى كۇنىنە 300-500 توننا قانت الادى. مەركى، كوكسۋ، تاراز قانت زاۋىتتارىنىڭ ونىمدەرى ءىرى ساۋدا جەلىلەرىنە، بازارلارعا جانە ۆ، س كلاستى دۇكەندەرگە جونەلتىلەدى. لوگيستيكاعا بايلانىستى قويمالارعا ايىنا 5 مىڭ تونناعا جۋىق قانت جەتكىزىلسە، قالا تۇرعىندارىنىڭ قاجەتتىلىگى 3300 توننا بولىپ وتىر»، - دەپ جاۋاپ بەردى الماتى قالالىق كاسىپكەرلىك جانە ينۆەستيتسيالار باسقارماسى قازاقپارات جولداعان ساۋالعا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى