ماسكەۋدە وقيتىن قازاقستاندىق پوليتسەي كىشكەنتاي بالانى اپاتتان قۇتقارىپ قالدى
اقمولا وبلىسى پوليتسيا دەپارتامەنتى اعا كريميناليستى زارينا جۇمانبەك بۇگىندە رەسەي ءىء ى م باسقارۋ اكادەمياسىندا «كريميناليستيكا جانە سوت- ساراپتاما قىزمەتى» ماماندىعى بويىنشا ءبىلىم الۋدا.
«اعىمداعى جىلدىڭ 16-مامىرىندا جاتاقحاناعا بەت العان پوليتسيا اعا لەيتەنانتى زارينا جۇمانبەك ەكى بالاسىمەن ترامۆاي جولىنان ءوتىپ بارا جاتقان ايەلدى بايقاعان. سول ساتتە قاتتى سوققان جەل كىشكەنتاي قىزداردىڭ ءبىرىنىڭ باس كيىمىن ۇشىرىپ اكەتەدى. ونى الۋ ءۇشىن جولعا جۇگىرگەن ءبۇلدىرشىن كەلە جاتقان ترامۆايدى كورمەگەن. وقيعانى سىرتتاي باقىلاپ، ساق تۇرعان زارينا جەدەل ارەكەت ەتىپ، بالانى اجالدان اراشالاپ قالدى»، - دەپ جازدى اقمولا وبلىسى پ د باسپا ءسوز قىزمەتى الەۋمەتتىك جەلىدەگى پاراقشاسىنا.
زارينامەن بىرگە وقيتىن اكادەميا ستۋدەنتتەرىنىڭ ايتۋىنشا، ترامۆاي جۇرگىزۋشىسى جەدەل تەجەگىش باسقانىمەن، كولىك 12 مەتر ءجۇرىپ بارىپ قانا توقتاعان. قازاقستاندىق پوليتسەيدىڭ ەرلىگىنە ءتانتى بولعان ستۋدەنتتەر بولعان جاعدايدى اكادەميا باسشىلىعىنا ايتقان.
«زارينا جۇمانبەك بۇل ارەكەتى ارقىلى كاسىبي شەبەرلىكتىڭ، باتىلدىقتىڭ جانە توتەنشە جاعدايدا ناقتى شەشىم قابىلداي الۋدىڭ جوعارى دەڭگەيىن كورسەتتى» ، - دەدى رەسەي ءى ءى م باسقارۋ اكادەمياسى جەتەكشىلەرىنىڭ ءبىرى گريگوري سكريپكين. وقۋ ورنىنىڭ باسشىلىعى جەرلەسىمىزدىڭ ەرلىگىن ەرەكشە باعالاپ، قۇرمەت گراموتاسىمەن ماراپاتتادى.
اۆتور: ءاليحان اسقار
