ۇكىمەت ۇيىندە قازىرگى گەوساياسي احۋالدىڭ قازاقستان ەكونوميكاسىنا اسەرى تالقىلاندى

بۇگىن ق ر پرەمەر-ءمينيسترى ءاليحان سمايىلوۆ ينۆەستيتسيالىق احۋالدى جاقسارتۋ جونىندەگى كەڭەس وتىرىسىن وتكىزدى.

وندا حالىقارالىق ەكونوميكالىق ءوزارا ءىس-قيمىلدىڭ وزەكتى ماسەلەلەرى قارالدى.

ءىس-شاراعا ق ر امەريكالىق ساۋدا پالاتاسىنىڭ اتقارۋشى ديرەكتورى دوريس برەدبەري، ۇلى بريتانيانىڭ قازاقستان رەسپۋبليكاسىنداعى ەلشىسى كەتي ليچ، ەۋروپالىق وداق دەلەگاتسياسىنىڭ قازاقستان رەسپۋبليكاسىنداعى ەلشىسى كەستۋتيس يانكاۋسكاس، ە ق د ب- نىڭ قازاقستان بويىنشا ديرەكتورى حۋسەين وجان، ەىدۇ ەۋرازيالىق بولىمشەسىنىڭ باسشىسى ۋيليام تومپسون، NCOC باسقارۋشى ديرەكتورى وليۆە لازار، «ارسەلورميتتال تەمىرتاۋ» باس اتقارۋشى ديرەكتورى بيدجۋ ناير، Philip Morris International وڭىرلىك ديرەكتورى حۋان كارلوس ەسكوبار، سونداي-اق ق ر ورتالىق مەملەكەتتىك ورگاندارىنىڭ باسشىلارى قاتىستى.

وتىرىسقا قاتىسۋشىلار قازىرگى گەوساياسي احۋالدىڭ قازاقستاننىڭ ينۆەستيتسيالىق قوعامداستىعىنا، لوگيستيكا جانە بانك ىسىنە اسەرىن تالقىلادى. بۇگىنگى تاڭدا كولىك-لوگيستيكا جۇيەلەرى حالىقارالىق ەكونوميكالىق قاتىناستاردىڭ ەڭ وسال سەكتورى ەكەنى اتاپ ءوتىلدى.

وتىرىس بارىسىندا ق ر پرەمەر-ءمينيسترى سىرتقى ەكونوميكاداعى كۇيزەلىستەرگە قاراماستان، ۇكىمەتتە ىقتيمال داعدارىستىق قۇبىلىستاردى ەڭسەرۋ ءۇشىن بارلىق قاجەتتى قۇرالدار مەن رەسۋرستار بار ەكەنىن اتاپ ءوتتى.

«بۇگىن ايتىلعان بارلىق ۇسىنىستار پىسىقتالىپ، ۇكىمەت جۇمىسىندا ەسكەرىلەتىن بولادى»، — دەدى ءاليحان سمايىلوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى