جاھاندىق جاستار ءتۋريزمى سامميتىنە قازاقستان اتىنان ەكى وقۋشى قاتىسادى
ق ر مادەنيەت جانە سپورت ءمينيسترى داۋرەن ابايەۆتىڭ ايتۋىنشا، قوس وقۋشى وتە دارىندى ءارى تالانتتى.
«.. .ەكەۋى دە وقۋلارىندا وزات، انا تىلىندە ەركىن سويلەيدى، اعىلشىنشالارى سۋداي.
ابدراحمان ءتىپتى، كينوعا ءتۇسىپ، PVE كينواكادەمياسىنىڭ «ۇزدىك ەر ادام ءرولى» نوميناتسياسىنىڭ جەڭىمپازى اتانىپ تا ۇلگەرگەن. «جاساندى ينتەللەكت» تاقىرىبىندا جەكە جوبا دا قورعاپ تاستاعان. سۋعا ءجۇزۋدى ۇناتادى ەكەن.
ال دينارا بولسا - ءوزى وقىپ جاتقان مەكتەپتىڭ پرەزيدەنتى.
بىرنەشە مارتە رەسپۋبليكالىق پىكىرسايىس تۋرنيرلەرىنىڭ جەڭىمپازى، ۆولونتەر، يۋنەسكو كلۋبتارى ۇلتتىق فەدەراتسياسىنىڭ مۇشەسى.
ءبىر سوزبەن ايتقاندا ەكەۋى دە العىر، ءبىلىمدى، ناعىز زياتكەر وقۋشىلار.
وسىنداي جاستارىمىز باردا ەلىمىزدىڭ ەرتەڭىنە قاشاندا سەنىممەن قاراۋعا بولادى» ، - دەپ جازدى مينيستر Facebook-تە.
