ن. نازاربايەۆ اۋەجايى الەمدىك بەدەلدى ماراپاتقا يە بولدى

ماراپات 2022 -جىلعى 16-ماۋسىمدا پاريجدەگى ەكسپو جولاۋشىلار تەرمينالىندا تابىس ەتىلدى.

«ءبىز نۇرسۇلتان نازاربايەۆ حالىقارالىق اۋەجايىن 2022 -جىلى ورتالىق ازيا مەن ت م د- داعى ۇزدىك وڭىرلىك اۋەجاي رەتىندە وسى ماڭىزدى ماراپاتقا يە بولۋىمەن قۇتتىقتايمىز. سوڭعى ەكى جىل بۇكىل الەمدەگى اۋەجايلار ءۇشىن وتە كۇردەلى ءارى قيىن كەزەڭ بولدى. ولار COVID-19 پاندەمياسىنا بايلانىستى كوپتەگەن شەكتەۋلەرگە تاپ كەلدى. قازىرگى كۇندە اۋە تاسىمالدارى قالىپتى دەڭگەيگە قايتا ورالدى. وسى رەتتە نۇرسۇلتان نازاربايەۆ حالىقارالىق اۋەجايىندا اۋە تاسىمالدارى ەڭ جوعارى ستاندارتتارتار بويىنشا ورىنداۋدا. سوندىقتان دا اتالعان بەدەلدى سىيلىقتى وسى اۋەجايعا بەرۋگە شەشىم قابىلداندى»، - دەپ اتاپ ءوتتى Skytrax باس ديرەكتورى ەدۆارد پلەيستەد.

«World Airport Awards» - الەمدىك اۋەجايلار يندۋسترياسىنداعى ەڭ بەدەلدى ماراپات. ۇزدىكتەر داۋىس بەرۋ ناتيجەسىندە جانە ارنايى جۇرگىزىلەتىن جاھاندىق ساۋالناما بويىنشا انىقتالادى.

«ۇزدىكتەردى انىقتاۋ ءۇشىن الەمدەگى 550 دەن استام اۋەجايداعى جولاۋشىلارعا قىزمەت كورسەتۋ ساپاسى مەن ىڭعايلىلىق جان- جاقتى ساراپتالعان. بۇل سىيلىق - جاھاندىق اۋەجاي يندۋسترياسى ءۇشىن ساپا ستاندارتى بولىپ سانالادى»، - دەيدى «نۇرسۇلتان نازاربايەۆ حالىقارالىق اۋەجايى» اق باسقارما ءتوراعاسى عابيت ءتاجىمۇراتوۆ.

ماراپاتتى الۋدا اۋەجاي قىزمەتكەرلەرىنىڭ جانە ق ر ي ي د م ازاماتتىق اۆياتسيا كوميتەتى قىزمەتكەرلەرىنىڭ ەڭبەگىن اتاپ ءوتۋ قاجەت. ولار كۇندەلىكتى ەڭبەگى ارقىلى جولاۋشىلار تاسىمالىن ىڭعايلى ءارى قاۋىپسىز ۇيىمداستىرۋدا. ساۋالناما 8 اي كولەمىندە جۇرگىزىلىپ، وعان 100 دەن استام ۇلت وكىلىنەن تۇراتىن اۋەجاي كليەنتتەرى قاتىسقان.

زەرتتەۋ قورىتىندىسى اۋەجايدىڭ كليەنتتەرگە قىزمەت كورسەتۋ ساپاسى جانە تىركەۋ، ۇشىپ كەلۋ، ترانسفەر، ساتىپ الۋ، قاۋىپسىزدىك، پاسپورتتىق باقىلاۋ سىندى نەگىزگى كورسەتكىشتەر بويىنشا شىعارىلعان، دەپ حابارلايدى ق ر ي ي د م باسپا ءسوز قىزمەتى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى