جاۋاپكەرشىلىكتەن جۇرداي بلوگەرلەر بۇگىنگى كۇننىڭ باتىرىنا اينالدى - پرەزيدەنت
بۇل تۋرالى ۇلىتاۋ وبلىسىندا ءوتىپ جاتقان ۇلتتىق قۇرىلتايدىڭ وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«زاڭ مەن ءتارتىپ - ىشكى تۇراقتىلىقتىڭ بىردەن-ءبىر كەپىلى. ونسىز قوعامنىڭ دامۋى مۇمكىن ەمەس. سوندىقتان، بۇل قاعيدا ءبىزدىڭ ەڭ باستى باعدارىمىز بولۋعا ءتيىس. جالپى، وتباسىن اسىراۋ ءۇشىن تاباندى ەڭبەك ەتىپ جۇرگەن، زاڭعا باعىناتىن ادامدار قۇرمەتكە يە بولۋى كەرەك. وكىنىشكە قاراي، بىزدە كوشە بۇزاقىلارى، جاۋاپكەرشىلىكتەن جۇرداي بلوگەرلەر جانە ماسىلدىق پيعىلمەن ايقاي شىعاراتىن ادامدار بۇگىنگى كۇننىڭ باتىرىنا اينالدى. دەپۋتاتتار مەن اتقارۋشى بيلىك وكىلدەرى سولارعا عانا باسا ءمان بەرەتىن بولدى. ءتۇرلى دەڭگەيدەگى شەنەۋنىكتەر سولاردىڭ عانا تالابىن ورىنداۋعا جۇگىرەدى»، - دەدى قاسىم-جومارت توقايەۆ.
وسى ورايدا پرەزيدەنت ورتالىقتاعى جانە ايماقتارداعى بيلىك بارلىق ازاماتتىڭ مۇڭ-مۇقتاجىنا بىردەي قاراۋى ءتيىس ەكەنىن قاداپ ايتتى.
«حالىق ۇنىنە قۇلاق اساتىن مەملەكەتتىڭ» كومەگىنە سەنىپ وتىرعان، زاڭعا باعىناتىن قاراپايىم جۇرت نازاردان تىس قالماۋى كەرەك. ەلىمىزدە شەشىمىن تاپپاعان تۇيتكىلدەر كوپ»، - دەدى مەملەكەت باسشىسى.
