سيريا بويىنشا استانا پروتسەسىنىڭ جۇمىسى تاعى دا جالعاسادى
بۇل جايىندا سيريا بويىنشا 18-حالىقارالىق كەزدەسۋدىڭ قورىتىندىسى بويىنشا يران، رەسەي جانە تۇركيا وكىلدەرىنىڭ بىرلەسكەن مالىمدەمەسىندە ايتىلعان، دەپ حابارلايدى قازاقپارات ءتىلشىسى.
«ءبىز استانا فورماتىنداعى باقىلاۋشىلار رەتىندە يوردانيا، يراك جانە ليۆان دەلەگاتسيالارىنىڭ، سونداي-اق ب ۇ ۇ مەن ح ق ك ك وكىلدەرىنىڭ قاتىسۋىن قاناعاتتانۋشىلىقپەن اتاپ وتتىك. نۇر-سۇلتاندا استانا فورماتىندا سيريا بويىنشا 18-حالىقارالىق كەزدەسۋدى وتكىزگەنى ءۇشىن قازاقستان بيلىگىنە شىنايى العىسىن بىلدىرەمىز. سيريا بويىنشا استانا فورماتىنداعى 19-حالىقارالىق كەزدەسۋدى وسى جىلدىڭ ەكىنشى جارتىسىندا نۇر-سۇلتاندا وتكىزۋگە كەلىستىك»، - دەلىنگەن ق ر سىرتقى ىستەر ءمينيسترىنىڭ ورىنباسارى ءادىل تۇرسىنوۆ جاريا ەتكەن بىرلەسكەن مالىمدەمەدە.
سونىمەن قورىتىندى قۇجاتتا كەپىلگەر ەلدەر استانا فورماتىندا مينيسترلەردىڭ كەلەسى كەزدەسۋىن ۇيىمداستىرۋ نيەتتەرىن راستادى.
«ءبىز 2020-جىلدىڭ 1- شىلدەسىندەگى سامميتتىڭ قورىتىندى مالىمدەمەسىندە بەكىتىلگەن كەلەسى ءۇشجاقتى سامميتتى شارتتار رۇقسات ەتىلگەن كەزدە تەز ارادا يران يسلام رەسپۋبليكاسىندا وتكىزۋ تۋرالى كەلىسىمدى تاعى دا اتاپ وتتىك»، - دەدى كەپىلگەر ەلدەر.
