ۇلىتاۋلىقتاردىڭ ءال- اۋقاتى جاقسارا تۇسەدى - پرەزيدەنت
ق ر پرەزيدەنتى قاسىم-جومارت توقايەۆ ۇلىتاۋدا باستالعان ۇلتتىق قۇرىلتايدىڭ العاشقى وتىرىسىندا وسىنداي وي ايتتى، دەپ حابارلايدى قازاقپارات ءتىلشىسى.
«مەنىڭ جارلىعىممەن بۇل وڭىردە جاڭا وبلىس قۇرىلعانىن بىلەسىزدەر. قاسيەتتى ولكەنىڭ اتاۋىن جاڭعىرتىپ، ونى ۇلىتاۋ دەپ اتادىق. دەربەس وبلىس مارتەبەسى وسى ايماقتى تىڭ سەرپىنمەن دامىتۋعا مۇمكىندىك بەرەدى. جۇمىس ورىندارى اشىلىپ، حالىقتىڭ ءال-اۋقاتى جاقسارا تۇسەدى دەپ ويلايمىن. جاڭا نىساندار، سولاردىڭ ىشىندە الەۋمەتتىك كەشەندەر بوي كوتەرەدى، تۋريستىك الەۋەتى ارتادى»، - دەدى قاسىم-جومارت توقايەۆ.
مەملەكەت باسىشسىنىڭ ايتۋىنشا، اتالمىش ءوڭىردىڭ العاشقى قادامى القالى جيىننان باستالعانىن اتاپ ءوتتى.
«وبلىستىڭ العاشقى قادامى القالى جيىننان باستالۋدا. ۇلت ۇياسى - ۇلىتاۋدىڭ عاسىرلار بويعى ۇلى ميسسياسى قايتا جالعاسىن تاپتى»، - دەدى پرەزيدەنت.
ايتا كەتەيىك، پرەزيدەنت ۇلىتاۋ وبلىسىنداعى جۇمىس ساپارى اياسىندا ۇلتتىق قۇرىلتايدىڭ العاشقى وتىرىسىنا قاتىسىپ جاتىر.
كەشە مەملەكەت باسشىسىنىڭ ۇلتتىق قۇرىلتاي قۇرۋ تۋرالى جارلىعى جاريالاندى.
ۇلتتىق قۇرىلتايدىڭ قازىرگى قۇرامىندا ءماجىلىس دەپۋتاتتارى مەن ق ح ا مۇشەلەرىنەن، ازاماتتىق قوعام مەن ساياسي پارتيا وكىلدەرىنەن، ساراپشىلار مەن وڭىرلەردەگى قوعامدىق كەڭەس مۇشەلەرىنەن، كاسىپكەرلەردەن جاساقتالعان 117 ادام بار.
