ءبىر ءۇيىر جىلقىنى اقمولادان جامبىل وبلىسىنا ۇرلاپ اكەتكەن بارىمتاشىلار ۇستالدى

اقمولا وبلىستىق پ د باسپا ءسوز قىزمەتىنىڭ مالىمەتىنشە، 10 -ماۋسىمدا جەدەل-ىزدەستىرۋ ءىس-شاراسى بارىسىندا بايسارى اۋىلىنىڭ تۇرعىندارىنا تيەسىلى 36 باس جىلقى ۇرلاعان كۇدىكتىلەر ۇستالعان.

ۇرلىقتان مال يەلەرىنە كەلگەن شىعىن - 17 ميلليون 750 مىڭ تەڭگەگە باعالاندى.

«قىلمىستىق توپتىڭ قۇرامىندا 31-36 جاس ارالىعىنداعى جامبىل وبلىسىنىڭ تۇرعىندارى جانە شەتەل ازاماتتارى بار. كۇدىكتىلەردىڭ ءبارى ۋاقىتشا يزولياتورعا قامالدى. انىقتالعانداي، بارىمتاشىلار جايىلىمدا جۇرگەن 36 باس جىلقىنى جۇك گازەلى مەن تىركەمەسى بار «Scania» جابىق جۇك كولىگىنە ارتىپ جامبىل وبلىسىنىڭ بايزاق اۋدانىنا الىپ كەتكەن. كەيىن كۇدىكتىلەر جىلقىلاردى جەرگىلىكتى «اسا-ەر» بازارىندا ساتقان»، - دەدى ۆەدومستۆودان.

قازىرگى كەزدە قىلمىستىق كودەكستىڭ 188-1-بابىنىڭ 4-بولىگى بويىنشا سوتقا دەيىنگى تەرگەۋ امالدارى قولعا الىندى.

ايتا كەتسەك، بۇدان بۇرىن كوكشەتاۋ تۇرعىنىنىڭ 109 شەتەلدىك ازاماتتى زاڭسىز تىركەگەنىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى