قايىرىمدىلىقپەن اينالىساتىن ازاماتتارعا قۇرمەتتى اتاق بەرىلۋى مۇمكىن
بۇل تۋرالى اقپارات جانە قوعامدىق دامۋ مينيسترلىگىنىڭ بۇيرىعى «اشىق ن ق ا» سايتىندا اشىق تالقىعا شىعارىلدى، دەپ حابارلايدى قازاقپارات ءتىلشىسى.
«قايىرىمدىلىق سالاسىنداعى قۇرمەتتى اتاق ونى دامىتۋ مەن نىعايتۋعا ەلەۋلى ۇلەس قوسقان ازاماتتار مەن ۇيىمدارعا بەرىلەدى. لايىق ادام مەن ۇيىمدى اقپارات جانە قوعامدىق دامۋ ءمينيسترىنىڭ كوميسسياسى انىقتايدى. ونىڭ قۇرامىنا قوعام قايراتكەرلەرى، قايىرىمدىلىق سالاسىنداعى ۋاكىلەتتى جانە مۇددەلى مەملەكەتتىك ورگاندار مەن ۇيىمداردىڭ وكىلدەرى كىرەدى. كوميسسياعا قۇرمەتتى اتاق الۋعا ۇمىتكەرلەر مۇشە بولا المايدى»، - دەلىنگەن قاۋلىدا.
قۇرمەتتى اتاق بەرىلەدى:
- قايىرىمدىلىقپەن اينالىساتىن سۋبەكتىلەرگە؛
- قايىرىمدىلىق جاساۋشىلارعا؛
- ۆولونتەرلەرگە.
قۇجاتقا سايكەس، قۇرمەتتى اتاق تابىستاۋ سالتاناتىن 5 - قىركۇيەك - حالىقارالىق قايىرىمدىلىق كۇنىنە وراي ۇيىمداستىرۋ جوسپارلانعان.
