الەمگە ايگىلى تۇلعالار تۋرالى ەڭ قىزىقتى دەرەكتەر

ولاردىڭ شىعارماسى، ىستەگەن ءىسى، جەتكەن جەتىستىكتەرى، ت. ب. ءيا! تاريحتا اتى قالعان ايگىلى تۇلعالاردىڭ ارتىنان نەبىر اڭىز- اڭگىمەلەر قالاتىنى انىق. ولاردىڭ كەمشىلىكتەرى دە ۇلى دەپ ايتساق ارتىق بولماس. ولاردىڭ ءبىز بىلمەيتىن قانداي قاسيەتتەرى بار؟ بىلە وتىرايىق!

***

پارسى شىعاناعىنداعى شايقاستان قايتارىندا ايگىلى قولباسشى الەكساندر ماكەدونسكي التىن تاستارمەن ايشىقتالعان قوبديشانى وزىمەن الا كەتىپتى. كەيىنىرەك سول قوبديشاعا گومەردىڭ پوەمالارىن ساقتاعان ەكەن.

***

XX عاسىرداعى پارسى پاتشاسىنىڭ ءۋازىرى ابدول قاسىم ىسمايىلدىڭ كىتاپحاناسى اسا باي بولعان دەسەدى. ول 117 مىڭ تومدىق كىتاپتاردى 400 تۇيەدەن تۇراتىن كەرۋەنگە ارتىپ، ءوز ساپارلارىنا بىرگە الىپ شىعاتىن بولعان.

***

گيتلەر ادامداردىڭ الاقانىنا قاراۋدى ۇناتقان. ول ءتىپتى تانىمال تۇلعالار الاقاندارىنىڭ تابى باسىلعان كىتاپتى قۇندى جادىگەر رەتىندە ۇلىقتاپ ءوتىپتى. الگى وقۋلىق پەن جەتە تانىسقاندىعى سول، ءوز الاقانىنىڭ ۇلى فريدريحتىڭ قولتاڭباسىنا اسىرە ۇقسايتىنىن ماقتانىشپەن قايتالاپ جۇرگەن.

***

يوگاننەس برامس ەسىمدى نەمىس كومپوزيتورى اياق كيىم تازالاپ وتىرىپ مۋزىكا شىعارعاندى ۇناتقان. بۇل قىزىق قىلىعىنىڭ ءمانىسىن ول «اياق كيىم تازالاي وتىرىپ شابىت شاقىرۋعا بولادى» دەپ ءتۇسىندىرىپتى ءوز زامانداستارىنا.

***

عالىم ديككەنستىڭ 50 جول جازىپ بولعان سايىن ىستىق سۋ ۇرتتاپ وتىراتىن قىزىق ادەتى بولعان.

***

كومپوزيتور بەتحوۆەن جاڭا تۋىندىسىن قاعازعا تۇسىرەر الدىندا مىندەتتى تۇردە باسىن مۇزدى سۋمەن جۋاتىن بولعان ەكەن.

***

داڭقتى ەرتەگىشى گانس حريستيان اندەرسون ءوزىنىڭ جازعاندارىن باسپاعا تاپسىرۋ ءۇشىن ارىپتىك قاتەلەرىن تەكسەرەتىن 2 قىزمەتشى ۇستاعان. قاتە كوپ بولعاندىقتان، كىتاپتان تۇسكەن تابىسىنىڭ جارتىسىن سول 2 قىزمەتشىگە بەرىپ وتىرىپتى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى