انگليا جاعالاۋىنىڭ ۇشتەن ءبىر بولىگى سۋ استىندا قالۋى مۇمكىن
پول سەيەرستىڭ «مۇحيت جانە جاعالاۋ ايماقتارىن باسقارۋ» حالىقارالىق جۋرنالىندا جاريالانعان ەسەبىندە تەڭىز دەڭگەيىنىڭ كوتەرىلۋىنە بايلانىستى انگليا جاعالاۋىنىڭ ۇشتەن ءبىر بولىگى سۋ استىندا قالادى دەپ حابارلانعان.
تەمپەراتۋرانىڭ 2100 -جىلعا قاراي 2°C جوعارىلاۋىنان تەڭىز دەڭگەيىنىڭ قالىپتى كوتەرىلۋى تۋىندايتىنىن بولجاساق، 2050 -جىلعا قاراي 160000-عا دەيىنگى نىسانعا قاۋىپ تونەتىنى اتالىپ ءوتتى. قازىردىڭ وزىندە 30-35 مىڭعا جۋىق عيمارات قاۋىپتى جاعدايدا دەپ تانىلدى.
سۋ باسۋ قاۋپى بار عيماراتتاردىڭ كوبى انگليانىڭ وڭتۇستىك- باتىسى، سولتۇستىك- باتىسى جانە شىعىسىندا ورنالاسقان. زەرتتەۋدە ءبىرىنشى رەت قورعانىستى جاقسارتۋ قۇنى تىم جوعارى نەمەسە تەحنيكالىق مۇمكىن بولمايتىن جەرلەر قاراستىرىلعان.
تەڭىز دەڭگەيىنىڭ كوتەرىلۋى جاعالاۋدى سۋ باسۋ قاۋپىن كۇشەيتىپ قانا قويمايدى، سونىمەن قاتار ءىرى تولقىنداردىڭ اسەرىنەن ەروزياعا ۇشىراۋىن دا جەدەلدەتەدى. قازىر سۋ تاسقىنى تۇركيادا جانە وڭتۇستىك افريكادا بولىپ جاتىر.
