ۆيتسە-پرەمەر اقمولا وبلىسى تۇرعىندارىنىڭ تابىسىن ارتتىرۋ بويىنشا كەڭەس وتكىزدى
قازاقپارات بۇل تۋرالى primeminister.kz سايتىنا سىلتەمە جاساپ حابارلايدى.
كەڭەسكە ورتالىق جانە جەرگىلىكتى مەملەكەتتىك ورگانداردىڭ، ونەركاسىپتىك كاسىپورىنداردىڭ وكىلدەرى جانە باسقالار قاتىستى.
«باعدارلاما يندۋستريالاندىرۋ، ەكونوميكانى ءارتاراپتاندىرۋ جانە كاسىپكەرلىكتى دامىتۋمەن ۇشتاساتىن حالىقتىڭ تابىسىن ارتتىرۋعا جانە ناتيجەلى جۇمىسپەن قامتاماسىز ەتۋگە باعىتتالعان. سونداي-اق ونەركاسىپتە جاڭا كلاستەرلەر قۇرۋ، شاعىن جانە ورتا كاسىپكەرلىكتى قارجىلىق قولداۋدى قامتاماسىز ەتۋ، ءىرى كاسىپورىنداردىڭ اينالاسىندا شاعىن جانە ورتا بيزنەستى دامىتۋ ءۇشىن جاعداي جاساۋ، سونداي-اق ىلەسپە مىندەتتەمەلەردى ىسكە اسىرۋ ەسەبىنەن جۇمىسپەن قامتۋدىڭ ءتۇرلى شارالارىن ىسكە اسىرۋدى ۇلعايتۋ جوسپارلانۋدا. جالپى، بيىل باعدارلاما بويىنشا 444 مىڭ ورىن قۇرۋ بولجانىپ وتىر، ونىڭ ىشىندە 178,5 مىڭ ورىن قازىردىڭ وزىندە ىسكە قوسىلدى»، - دەدى ەرالى توعجانوۆ.
وتىرىس بارىسىندا ءار باعىت بويىنشا وبلىس اكىمى ەرمەك مارجىقپايەۆ باياندادى. ونىڭ ايتۋىنشا، ءوڭىر ەكونوميكاسىنىڭ نەگىزگى سالاسى اۋىل شارۋاشىلىعى بولىپ تابىلادى.
«وتكەن جىلى اۋىل شارۋاشىلىعى ونىمدەرىنىڭ جالپى شىعارىلىمى 745 ميلليارد تەڭگەدەن استى. بيىلعى جىلى جازدىق ەگىس كولەمى 5,1 ميلليون گەكتارعا دەيىن ۇلعايتىلدى، بۇل رەتتە ءداندى جانە ءداندى-بۇرشاقتى داقىلدار الاڭى 4,6 ميلليون گەكتارعا دەيىن كەڭەيتىلدى»، - دەپ اتاپ ءوتتى ءوڭىر باسشىسى.
وبلىستا حالىقتىڭ تابىسىن ارتتىرۋ جانە ناتيجەلى جۇمىسپەن قامتۋ باعدارلاماسى اياسىندا ءبىرقاتار جۇمىس جۇرگىزىلىپ جاتىر.
بيىلعى جىلى ورتاشا جالاقى % 22 كوبەيدى. حالىقتىڭ تابىسى دا ارتتى. كەڭەستە سونداي-اق، «امانات» پارتياسى ۇسىنعان «اۋىل اماناتى» جوباسى تۋرالى ايتىلدى.
ونىڭ اياسىندا 2400-دەن استام اۋىل اكىمىن وقىتۋ جوسپارلانعان. كەڭەستىڭ ەكىنشى بولىمىندە «انا ءۇيى» قوعامدىق قورىنىڭ اتقارۋشى ديرەكتورى انار راقىمبايەۆامەن، ءبىلىم باسقارماسىنىڭ باسشىسى بەيبىت جۇسىپوۆپەن وتباسى جانە جەتىمدىك ماسەلەلەرى قارالدى.
ءىس-شارا سوڭىندا ۆيتسە-پرەمەر بارلىق قابىلدانىپ جاتقان شارالار مەن باستامالار ءبىرىنشى كەزەكتە حالىقتىڭ تابىسىن ارتتىرۋعا جانە جۇمىس ورىندارىن قۇرۋعا باعىتتالۋى ءتيىس ەكەنىن اتاپ ءوتتى.
