زاڭسىز شىعارىلعان قاراجاتقا قاتىستى كەز كەلگەن لاۋازىمدى ادام جاۋاپ بەرەدى - ەرلان قوشانوۆ
سىرتقا كەتكەن قاراجاتتى قايتارۋعا قاتىستى ءتيىستى كوميسسيا قۇرىلعانىنا توقتالعان ە. قوشانوۆ: «سول كوميسسيا ەكى اپتادا ءبىر رەت پرەزيدەنتكە ەسەپ بەرىپ وتىرادى. سوندىقتان وسى كوميسسيا جۇمىسىنىڭ ناتيجەسىن كۇتۋ كەرەك. شەتەلگە كەتكەن اقشانى قايتارۋ وڭاي جۇمىس ەمەس. سەبەبى ونىڭ زاڭسىز شىعارىلعانىن دالەلدەۋ كەرەك»، - دەدى.
وسى ورايدا ول مۇنداي زاڭسىز ارەكەتتەرى ءۇشىن كەز كەلگەن ادام زاڭ الدىندا جاۋاپ بەرەتىنىن ايتتى.
«زاڭ الدىندا بارلىعى بىردەي. ەگەر زاڭسىز شىعارىلعان قارجى بولسا، كەز كەلگەن ادام زاڭ الدىندا جاۋاپ بەرەدى. وسى ورايدا قاراجات ەلگە قايتارىلادى. ءبىراق بۇل ءىس- شارالاردىڭ ءتيىستى جولدارى بار. سوندىقتان زاڭسىز شىعارىلعان قاراجاتقا قاتىستى لاۋازىمدى قىزمەتكەرلەر جانە باسقا دا ادامدار جاۋاپ بەرەتىن بولادى»، - دەدى ءماجىلىس ءتوراعاسى.
بۇدان بۇرىن حابارلانعانداي، بيىل اقپان ايىندا پرەزيدەنت قاسىم- جومارت توقايەۆ شەتەلگە زاڭسىز شىعارىلعان قارجىنى قايتارۋ جونىندە تاپسىرما بەردى.
اۆتور: رۋسلان عابباسوۆ
