قازاقستاندا قاۋىپتى جىلقى تۇماۋى تارادى
جانۋارلاردان الىنعان سىناما وتكەن اپتادا ەلورداداعى ارنايى زەرتحاناعا جىبەرىلگەن ەدى. مالدىڭ جىلقى تۇماۋىن جۇقتىرعانى راستالدى. وسىعان بايلانىستى قاۋىپتى ىندەتتىڭ وشاعى بولىپ انىقتالعان ەسىل اۋدانىنداعى زارەچنىي اۋىلدىق وكرۋگىندە كارانتين جاريالاندى.
ەندى بۇل اۋماقتان جىلقى جانە ونىڭ ونىمدەرىن تاسىمالداۋعا تىيىم سالىندى. ەلدى مەكەندە دەزينفەكتسيالىق شارالار ءجۇردى. مامانداردىڭ ايتۋىنشا، وڭىردە بۇرىن-سوڭدى مۇنداي اۋرۋ تىركەلمەگەن.
«بۇل - ينفەكتسيالىق اۋرۋ. ونى جۇقتىرعان جانۋار جوتەلىپ، دەمىگەدى. دەنە قىزۋى كوتەرىلەدى. 20 جىلقىدان وسىنداي بەلگى انىقتالدى. ونىڭ ۇشەۋىنىڭ جاعدايى اۋىر. قازىر اتالعان اۋىلدا مونيتورينگ جۇرگىزىلۋدە. جاعداي مامانداردىڭ ءجىتى باقىلاۋدا. باستىسى مال شىعىنى جوق»، دەيدى وبلىستىق ۆەتەريناريا باسقارماسىنىڭ ءبولىم باسشىسى قايىرلى قازانوۆ.
