مينيستر جاڭا وبلىستارداعى كولىكتەرگە قانداي كود بەرىلۋى مۇمكىن ەكەنىن ايتتى

«ماسەلە ءى ءى م- گە قاتىستى. ءبىراق قيسىنعا سالسا، 18، 19، 20 نومىرلەرى الفاۆيتتىك رەتپەن بولادى دەپ ويلايمىن. بۇل سۇراقتىڭ ناقتى جاۋابىن بىلمەيمىن. بۇل ماسەلە بىزبەن ءتىپتى تالقىلانباعان، بۇل ءبىزدىڭ قۇزىرەتىمىزدە ەمەس»، - دەپ جاۋاپ بەردى قۋانتىروۆ.

جاڭا وبلىستارعا كودتار ءالىپبي تارتىبىمەن بەرىلسە، اباي وبلىسىندا - 18- ءوڭىر، جەتىسۋ وبلىسىندا – 19، ۇلىتاۋ وبلىسىندا - 20- ءوڭىر بولادى.

ەسكە سالايىق، 8- ماۋسىمدا قازاقستان پرەزيدەنتىنىڭ 4- مامىرداعى جاڭا وڭىرلەر قۇرۋ تۋرالى جارلىعى كۇشىنە ەندى.

ۇلىتاۋ وبلىسى - ەڭ ۇلكەن وڭىرلەردىڭ ءبىرى، ەكى اۋداننان تۇرادى - جاڭارقا، ۇلىتاۋ، وبلىستاعى ءۇش قالا - جەزقازعان، قاراجال جانە ساتبايەۆ. جەزقازعان - مىس ونەركاسىبىنىڭ ورتالىعى، ول ايماقتىڭ اكىمشىلىك ورتالىعىنا اينالعان. جاڭا وبلىستىڭ حالقى شامامەن 226 مىڭ ادام بولۋى ءتيىس.

اباي وبلىسى شىعىس قازاقستان وبلىسىنان بولىنگەن. كەڭەس زامانىندا ونىڭ اۋماعىندا سەمەي وبلىسى ورنالاسقان. ءوڭىر ورتالىعى سەمەي قالاسى بولدى.

وبلىسقا سەگىز اۋدان كىردى: اقسۋات، اباي، اياگوز، بەسقاراعاي، بورودۋليحا، جارما، كوكپەكتى جانە ءۇرجار، سونداي-اق، ەكى قالا - سەمەي جانە كۋرچاتوۆ. وبلىس حالقى شامامەن 640 مىڭ ادام بولۋى ءتيىس.

الماتى وبلىسى قۇرامىنان بولىنگەن وبلىس - جەتىسۋ وبلىسى. وندا 650 مىڭعا جۋىق ادام تۇرادى. وبلىستىڭ اكىمشىلىك ورتالىعى الماتى وبلىسىنىڭ بۇرىنعى ورتالىعى - تالدىقورعاندا ورنالاسقان. وبلىسقا سەگىز اۋدان جانە ەكى قالا كىردى - اقسۋ، الاكول، ەسكەلدى، قاراتال، كەربۇلاق، كوكسۋ، پانفيلوۆ، سارقان اۋداندارى، تالدىقورعان جانە تەكەلى قالالارى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى