جاڭا وبلىس تۇرعىندارىنىڭ قۇجاتى قالاي رەتتەلەدى
«ەگەر باسقا اۋماققا قونىس اۋدارسا نەمەسە قايتا تىركەلىپ جاتسا، وندا جاڭا مەكەنجاي جازىلادى. سونىمەن قاتار، قۇجاتىن جوعالتقاندار مەن كۋالىگىن جاڭارتىپ جاتقاندارعا دا جاڭا مەكەنجايدىڭ مالىمەتتەرى بەرىلەدى. ال قولىنداعى قۇجاتتارعا نەمەسە تۇرعىلىقتى جەرىنە قاتىستى قايتا تىركەۋدىڭ قاجەتى جوق»، - دەدى ق ر ۇلتتىق ەكونوميكا ۆيتسە- ءمينيسترى باۋىرجان وماربەكوۆ.
12 ميلليارد تەڭگە جاڭادان قۇرىلعان وبلىستارداعى اكىمدىكتەر مەن باسقارمالاردىڭ جۇمىسىن ۇيىمداستىرۋعا قاراستىرىلعان. بۇدان بۇرىن حابارلانعانداي، الىبەك قۋانتىروۆ جاڭادان قۇرىلعان وبلىستاردا ينفراقۇرىلىم مەن جولداردىڭ ساپاسىنا قاتىستى پروبلەما بار ەكەنىن ايتتى. وتكەن اپتادا بەرىك ءابدىعالي ۇلى ۇلىتاۋ وبلىسىنىڭ اكىمى لاۋازىمىنا تاعايىندالدى. سونىمەن قاتار، مارات سۇلتانعازيەۆ الماتى وبلىسىنىڭ اكىمى بولدى، نۇرلان ۇرانحايەۆ اباي وبلىسىنىڭ اكىمى لاۋازىمىنا تاعايىندالدى. ال جەتىسۋ وبلىسىنىڭ اكىمى قىزمەتىنە بەيبىت يسابايەۆ كەلدى.
