جاپونيادا تۋريستەرگە شەكارا اشىلادى
العاشىندا كوروناۆيرۋس جۇقتىرۋ قاۋپى تومەن 98 ەلدەن كەلگەن ازاماتتار عانا قابىلدانادى. ولار ەلگە كىرەرگە پ ت ر- تەست تاپسىرمايدى. سونداي- اق كارانتيننەن بوساتىلادى. دەسە دە ماماندار شەتەلدىكتەردەن قاۋىپسىزدىك شارالارى تۋرالى ۇمىتپاۋىن سۇرايدى. ماسەلەن، ماسكا تاعىپ، الەۋمەتتىك قاشىقتىق ساقتاۋعا شاقىرادى.
فۋميو كيسيدا، جاپونيا پرەمەر- ءمينيسترى:
- 1- ماۋسىمنان باستاپ ۆيرۋس جۇقتىرۋ قاۋپى تومەن مەملەكەتتەردەن كۇنىنە 20 مىڭ ادامعا ەلگە كىرۋگە رۇقسات ەتىلەدى. ال 10- ماۋسىمنان باستاپ تۋريستىك پاكەت بويىنشا شەتەلدىك دەمالۋشىلاردى قابىلداي باستايمىز. سونداي- اق حالىقارالىق رەيستەردى قايتا جانداندىرۋ ءۇشىن قوسىمشا 2 اۋەجايدى دايىنداپ جاتىرمىز.
وزبەكستاندا شەتەلدىك تۋريستەر ءۇشىن شەكتەۋلەر جەڭىلدەتىلەدى
وزبەكستانعا كەلەتىن شەتەلدىك تۋريستەر ءۇشىن كوروناۆيرۋسقا قاتىسى شەكتەۋ شارالارى الىنىپ تاستالادى. بۇعان دەيىن مۇندا كەلۋشىلەردەن پ ت ر- تەستتىڭ تەرىس ناتيجەسى، انتيگەنگە جاسالاتىن ەكسپرەسس- تەست جانە ۆاكسينالاۋ سەرتيفيكاتى تالاپ ەتىلەتىن. ءبىراق ەلدەگى ەپيداحۋال ايتالىقتاي جاقسارعان. ماسەلەن، كەيىنگى تاۋلىكتە كوروناۆيرۋستى جۇقتىرۋدىڭ نەبارى 6 دەرەگى تىركەلدى.
گرۋزيادا تۋريزم جاندانا باستادى
گرۋزيادا تۋريزم قالپىنا كەلە باستادى. ماماندار العاشقى 5 ايىنىڭ كورسەتكىشتەرى پاندەمياعا دەيىنگى دەڭگەيگە جارتىلاي جەتىپ قالعانىن ايتادى. بيىل قاڭتار مەن مامىر ارالىعىندا مۇندا 1 ميلليونان اسا شەتەلدىك ساياحاتشى كەلگەن. كوروناۆيرۋس ورشىمەي تۇرىپ تۋريزمنىڭ گرۋزيا ەكونوميكاسىنداعى ۇلەسى 10 پروتسەنت بولاتىن. 2019- جىلى مۇندا سىرتتان 9 ميلليون ساياحاتشى كەلىپ، 3 جارىم ميلليارد دوللارعا جۋىق پايدا تۇسكەن.
تايلاندتا 5 ايدا ەلگە ميلليون تۋريست كەلدى
تايلاند ەكونوميكاسىنداعى تۋريزمنىڭ دە ۇلەسى جوعارى. پاندەمياعا دەيىن بيۋدجەتكە تۇسەتىن پايدانىڭ 12 پروتسەنتىن وسى سەكتور قامتاماسىز ەتىپ وتىرعان. 2019- جىلى مۇندا 40 ميلليون شەتەلدىك دەمالعان. الايدا پاندەميا كەسىرىنەن جاعداي كۇرت وزگەردى. ماسەلەن، بىلتىر سىرتتان كەلگەندەر سانى جارتى ميلليونعا دە جەتپەگەن. الايدا بيىل تۋريستەر ءۇشىن شەكتەۋ شارالارى جەڭىلدەتىلدى. سونىڭ ناتيجەسىندە العاشقى بەس ايدا ءبىر ميلليون ساياحاتشى كەلگەن. جىل سوڭىنا دەيىن بۇل كورسەتكىش 5 ميلليوننان اسادى دەگەن بولجام بار. سالا وكىلدەرى بىرتىندەپ احۋالدىڭ جاقساراتىنىن بولجاپ وتىر. ول ءۇشىن، ماسەلەن، تاي پاسس جۇيەسىن قولدانۋدان باس تارتۋعا شاقىرادى. قازىرگى تالاپ بويىنشا بۇل ونلاين پلاتفورمادا سىرتتان كەلۋشىلەر دەنساۋلىعىنا قاتىستى مالىمەت كورسەتۋى ءتيىس.
