التى كۇننەن بەرى ءىز-ءتۇزسىز كەتكەن جاس ءوسپىرىمنىڭ دەنەسى وزەنىنەن تابىلدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 3- ماۋسىم كۇنى جاس ءوسپىرىمنىڭ جوعالعانى تۋرالى پوليتسياعا حابار ءتۇستى.
بەلگىلى بولعانداي، ول ۇيدەن بەلگىسىز باعىتتا شىعىپ كەتىپ، سول كۇيى قايتىپ ورالماعان.
«زەينەتكەر ءتارتىپ ساقشىلارىنان نەمەرەسىن تاۋىپ بەرۋدى سۇرادى. جەدەل-ىزدەستىرۋ جۇمىسىنا ەرىكتىلەر دە اتسالىستى. سونىڭ ناتيجەسىندە 17 جاستاعى جىگىتتىڭ دەنەسى ءۇلبى وزەنىنەن تابىلعان»، - دەپ حابارلادى ۆەدومستۆو وكىلدەرى.
ءبىرقاتار مەديتسينالىق ساراپتاما تاعايىندالدى.
جاس ءوسپىرىم ولىمىنە نە سەبەپ بولعانى سونىڭ ناتيجەسىنەن كەيىن انىقتالادى.
ەستەرىڭىزگە سالا كەتسەك، وسىعان دەيىن ءۇي الماق بولعان وسكەمەن تۇرعىنى الاياققا 10 ميلليون تەڭگە بەرگەنىن حابارلاعان ەدىك.
