ادامدارعا قويىلعان قىزىقتى ەسىمدەر
ءبىراق، تاريحي ەسكەرتكىش ورىندارى، بەلگىلى عالىمدار مەن ديپلوماتتاردىڭ اتاۋلارىن ءبىر ەسىمگە جيناقتاعان. سونىمەن، الەمدەگى ەڭ ەرەكشە ەسىمدەردىڭ رەيتينگىسى تومەندەگىدەي:
1. جاڭا ورلەانداعى امەريكالىق وتباسى ۇشەم قىزدارىنىڭ ەسىمدەرىن مۋ، ۆۋ، گۋ دەپ اتاعان. ايتپاقشى، امەريكالىقتار باسقا ۇلتتارعا قاراعاندا بالالاردى ءجونسىز اتايتىن كورىنەدى.
2. ءبىراز جىلدار بويى فرانسيادا تەگى جوق ديناستيا ءومىر سۇرگەن. ونىڭ ورنىنا 1792 دەگەن سان قولدانىلىپتى. ەرەكشە بولۋ ءۇشىن ولار بالالارىنىڭ ەسىمدەرىن اي اتتارىمەن اتاۋدى ءجون كورگەن ەكەن. بۇل وتباسىداعى ەڭ تانىمال ەسىمدەر قاڭتار 1792، ناۋرىز 1792 جانە ءساۋىر 1792.
3. پابلو پيكاسسونى بارلىعىمىز سۋرەتشى رەتىندە تانىپ، ونىڭ ونەرىنە تامسانعانمەن ەرەكشە ەسىمىن ءبارىمىز بىلە بەرمەيمىز. ونىڭ شىن ەسىمى پابلو ديەگو حوزە فرانتسيسكو دە پاۋلا حۋان نەپومۋكەنو كريسپين كريسپيانو دە لا سانتيسيما ترينيداد رۋيز پيكاسسو بولعان ەكەن. مۇنداي ۇزاق ەسىمدەر وتكەن عاسىرلاردا يسپانيادا سانگە اينالعان.
4. امەريكانىڭ چيكاگو قالاسىندا تۇراتىن وتباسى بالالارىن اپپەنديتسيت، لارينگيت، تونزيلليت، پەريتونيت جانە مەنينگيت دەپ اتاعان. بالكىم، وتاعاسى دارىگەرلىك جولعا تۇسكىسى كەلىپ، كاسىبي تەرميندەردى اتاۋدا «جاتتىعىپ» كورگىسى كەلگەن بولار!؟
5. ءۇندىستاننىڭ كاندحمالا ايماعىندا اتا- انا ۇلىنىڭ ەسىمىن «مەن كارتوپتى جاقسى كورەمىن» دەپ اتاعان.
6. ءۇندىستاننىڭ ءبىر اۋىلىندا تۇراتىن ەكى بالانىڭ ەسىمدەرىن «سالەم، كۇمىس دوللار!» جانە «سالەم، ەكى كەلى كۇرىش!» دەپ اتاعان. ايتپاقشى، ءۇندىستان بۇرىننان ەڭ ەرەكشە ەسىمدەردىڭ كوشىن باستاپ كەلەدى.
7. گاۆاي ارالدارىندا رەستوران قوجايىنى ءوزىنىڭ قىزىنا ەرەكشە ەسىم ويلاپ تاپقان. ول - ناپۋ- امو- حالا- ونا- ونا- انەكا- ۆەحي- ۆەحي- ونا- حيۆەا- نەنا- ۆاۆا- كەحو- ونكا- كاحە- حەا- لەكە- ەا- ونا- نەي- نانا- نيا- كەكو- وا- وگا- ۆان- يكا- ۆاناو دەگەن ەسىمدى يەلەندى. مۇعالىمدەر مۇنى سىنىپ جۋرنالىنا ەنگىزۋدەن باس تارتتى، سونىڭ اسەرىنەن ءبىراز ايقاي- شۋ دا بولعان ەكەن. ونىڭ قازاق تىلىندە اۋدارماسى دا ۇزاق: «تاۋلار مەن جازىقتاردىڭ كوپتەگەن ادەمى گۇلدەرى گاۆايدى ۇزىندىعى مەن كەڭىستىگىن ءوزىنىڭ عاجاپ يسىمەن تولتىرادى».
«قازاقستان»
