حالىقتىڭ باسىم بولىگى مەملەكەتتىڭ كومەگىنە مۇقتاج - ەسەپ كوميتەتى
بۇل تۋرالى ەسەپ كوميتەتىنىڭ ءتوراعاسى ناتاليا گودۋنوۆا ايتتى، دەپ حابارلايدى قازاقپارات ءتىلشىسى.
ونىڭ ايتۋىنشا، ەكونوميكانىڭ جاندانۋى شاعىن جانە ورتا بيزنەسكە وڭ اسەرىن تيگىزە باستادى.
«حالىقتىڭ كوپشىلىگىنىڭ ناقتى ءومىر ءسۇرۋ دەڭگەيى ءالى كوتەرىلگەن جوق. ەڭ الدىمەن، ينفلياتسيا ىقپال ەتتى. اقشالاي كىرىستەر قۇرىلىمىندا ەڭبەك ەتۋدەن تۇسەتىن كىرىستەر ۇلەسىنىڭ تومەندەۋى جانە الەۋمەتتىك ترانسفەرتتەرگە تاۋەلدىلىكتىڭ ارتۋى بايقالادى. حالىقتىڭ باسىم بولىگى مەملەكەتتىڭ كومەگىنە مۇقتاج، تۇتىنۋ شىعىندارىنىڭ جارتىسىنان كوبى ازىق-تۇلىككە جۇمسالادى»، - دەدى ناتاليا گودۋنوۆا ءماجىلىستىڭ جالپى وتىرىسىندا.
سونىمەن قاتار، ەسەپ كوميتەتىنىڭ ءتوراعاسى حالىقتىڭ باسىم بولىگى نەسيە العانىن اتاپ ءوتتى.
«جەكە تۇلعالارعا يپوتەكانىڭ ءوسۋى %38، تۇتىنۋشىلىق ماقساتتاعى شىعىن - %40 قۇرادى. بۇل - ەكونوميكاعا بەرىلەتىن كرەديتتەردىڭ جالپى كولەمىنىڭ ۇشتەن ءبىرى. نەسيە وتەۋگە حالىق تابىسىنىڭ %18 دان استامى پايدالانىلادى»، - دەدى ن. گودۋنوۆا.
بۇعان دەيىن ن. گودۋنوۆا رەسپۋبليكالىق بيۋجەت كىرىسىنىڭ ۇشتەن ءبىرى ۇلتتىق قوردان بولىنگەنىن ايتقان ەدى.
