قازاقستاندا ديزەل تاپشىلىعى بولاما؟
«جانار-جاعارمايدىڭ، سونىڭ ىشىندە ديزەل وتىنىنىڭ تاپشىلىعى بايقالىپ وتىرعان جوق» دەپ جازىلعان جاۋاپتا.
سونداي-اق، ول ىشكى مۇناي ونىمدەرىنىڭ نارىعىندا تەڭگەرىم ساقتاۋ ءۇشىن 2022-جىلدىڭ اياعىنا دەيىن مۇناي ونىمدەرىن قازاقستان اۋماعىنان سىرتقا اكەتۋگە تىيىم سالۋ ماسەلەسى پىسىقتالىپ جاتقانىن اتاپ ءوتتى.
ال ىشكى نارىقتا جانارماي ساۋداسىنىڭ شەكتەۋلى كولەمدە عانا ءجۇرۋىن بولدىرماۋ ءۇشىن سۇرانىس، ۇسىنىس، باعا تەڭگەرىمىنە ۇدايى تالداۋ جاسالىپ وتىر.
«بۇگىندە مۇناي وڭدەۋ زاۋىتتارى شتاتتىق رەجيمدە جۇمىس ىستەيدى. وعان قوسا جانارماي ءوندىرۋ جانە تاراتۋ جۇيەسىن رەفورمالاۋدىڭ كەشەندى شارالارى قابىلداندى. ول بويىنشا ءونىمسىز دەلدالداردى نارىقتان ىعىستىرىپ، مۇنايدى وڭدەۋشى زاۋىتتارعا جەتكىزۋ سحەماسى قايتا قارالادى. وسىلايشا ۇكىمەت جانار-جاعارماي باعاسىنىڭ نەگىزسىز ءارى كۇرت ءوسۋىن بولدىرماۋ ءۇشىن قاجەتتى شارانىڭ ءبارىن قابىلداپ جاتىر»، - دەيدى رومان سكليار.
ايتا كەتەيىك، بۇعان دەيىن دەپۋتاتتىق ساۋالداردىڭ بىرىنە بەرگەن جاۋابىندا ۆيتسە-پرەمەر قازاقستاندا ديزەل باعاسى ءوسىپ جاتقانىن ايتقان ەدى.
