جانداربەك بۇلعاقوۆ گرۋزيندەرگە شيكى قازىنى قالاي جەگىزگەنىن ايتىپ بەردى
بۇل تۋرالى «تاڭشولپان» باعدارلاماسىندا ايتىلدى.
- ءوزىڭىزدى ەرتە تۇراتىن ەر- ازاماتتاردىڭ قاتارىنا قوساسىز با؟
- «ەرتە تۇرعان ەركەكتىڭ ءبىر ءىسى ارتىق» دەپ ايتىپ جاتادى عوي. ونىڭ ۇستىنە قالانىڭ قاربالاس تىرشىلىگى بار. تۇسكە دەيىن ۇيىقتاۋ مۇمكىن ەمەس. اراسىندا شىعارماشىلىق جۇمىستارىما بايلانىستى كەش ۇيىقتاپ، تۇستە تۇرامىن. نەعۇرلىم ەرتە تۇرساق، سوعۇرلىم جۇمىسىمىز ءونىمدى بولادى.
- وسى كۇنگە دەيىن وزگە ۇلت وكىلدەرىنىڭ ۇيىنە قوناققا بارىپ، دومبىرامەن كۇي شەرتكەن كەزدەرىڭ بولدى ما؟
- ايتىسكەر اقىنداردىڭ كوبىسى اۋىلدا وسكەن، قاراپايىم قارا شاڭىراقتار شىققان. ءبىراق مەنىڭ اكە- شەشەم 90-جىلدارى قالاعا كوشىپ كەلگەن بولاتىن. سول سەبەپتى، اسفالتتىڭ ۇستىندە ويناپ وسكەن بالامىن دەسەم دە بولادى. ول ۋاقىت توقىراۋ زامانى بولعاندىقتان، تالدىقورعان اۋىلدان كەم بولمادى. ءارتۇرلى ۇلتتاردىڭ بالالارىمەن ويناۋعا تۋرا كەلدى. ءبىز ولاردىڭ، ولار ءبىزدىڭ ۇيىمىزدە قوناقتا بولاتىن.
- قاي ۇلتتىڭ تاعامى كوبىرەك ۇنايدى؟
- وسىعان قاتىستى ءبىر قىزىق وقيعا ايتىپ بەرەيىن. ماگيستراتۋرالىق ءبىلىم الىپ جاتقان كەزدە، 10 كۇنگە شەتەلگە جىبەردى. قىزىلوردالىق باۋىرىممەن گەرمانياعا باردىق. ۇيدەن ەت الىپ شىققان بولاتىنبىز. اۋەجايدا قازىنى وتكىزبەيتىنىن جاقسى بىلەسىزدەر. ۇيدەگىلەرگە ەتتى فولگاعا وراتتىم. قوناق ءۇيدىڭ تومەنگى قاباتىنا تۇسسەم، گرۋزين حالقىنىڭ ازاماتى قولىنا المادان جاسالعان تاعامدى ۇستاپ وتىر ەكەن. ءبىز دە ەتىمىزدى شىعارا باستادىق. بارلىعى قايدان كەلگەنىمىزدى سۇراي باستادى. اقىرى ءبىز ەتىمىزدى، ولار بىزگە المادان جاسالعان تاعامىن بەردى. ءبىر ۋاقىتتا ءبارى تاراپ كەتكەن سوڭ قىزىلوردالىق باۋىرىم بەكارىس «سەنىڭ ەتىڭ پىسكەن بە؟» دەدى. ءدامىن تاتىپ كورسەم، سۇرلەنگەن ەت سياقتى. ۇيگە حابارلاسىپ «سەندەر، مىنا ەتتى پىسىردىڭدەر مە؟» دەپ سۇرادىم. ولار ەت بۇزىلىپ كەتەر دەپ شيكىدەي سالعان ەكەن. وزگە ۇلت وكىلدەرىنە وسىلايشا شيكى ەت جەگىزگەنىم بار.
