تۇركىستاندىق وقۋشى ساڭىراۋقۇلاق ءوسىرىپ، كاسىپ باستادى

ول ءونىم ءتۇرىن ءوسىرۋدى الەۋمەتتىك جەلى ارقىلى ۇيرەنىپ، قىزىعۋشىلىق تانىتقان. بالاسىنىڭ كاسىپكەرلىككە دەگەن ۇمتىلىسىن بايقاعان اناسى ونى تورتكول اۋىلدىق وكرۋگىندە وسى كاسىپپەن اينالىساتىن قارشىعا ارىسبەك قىزىنا تاجىريبە الماسۋعا الىپ بارعان. 37 جىلدان بەرى وسى كاسىپپەن اينالىسىپ كەلە جاتقان كاسىپكەر وقۋشىعا ءوز بىلگەنىن ۇيرەتەدى. وسىلايشا دىنمۇحامەد ساڭىراۋقۇلاق وسىرۋگە كىرىسىپ، ناتيجەسىندە 25 كۇندە دايىن ءونىم العان.

«ءاۋ باستا 50 مىڭ تەڭگەگە ساڭىراۋقۇلاق ۇرىعىن، 10 مىڭ تەڭگەگە قاۋىز ساتىپ الدىم. ال سۋ، گاز شىعىندارىنا جوبامەن 10 مىڭ تەڭگەدەي قارجى جۇمسالدى. ارنايى بولمە ىشىنە ەككەن ۇرىقتاردان 63 بلوك ءونىم شىقتى. دايىن ءونىمنىڭ ءبىر كەلىسىن 1000 تەڭگەدەن ساتىلىمعا شىعارۋدامىز. ءبىر بلوكتاعى ساڭىراۋقۇلاق 20 كۇندە ءپىسىپ، 2-4 كەلىگە دەيىن ءونىم الامىز. نەگىزىندە ءبىر بلوك 4 رەت تازا ءونىم بەرەدى. ونىڭ العاشقى 3 ءونىمى ساتىلىمعا شىعارىلسا، سوڭعىسى كونسەرۆىگە جابىلادى»، - دەيدى جاس اگرونوم.

الداعى كۇندەرى بالا اگرونوم مەملەكەت تاراپىنان قايتارىمسىز گرانت الىپ، ءۇي ىرگەلىك جەرىندەگى كاسىبىن دامىتۋدى كوزدەپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى