يندونەزيادا قازاقستانعا جانە ديماشقا ارنالعان كورمە وتەدى
كورمە 29- ماۋسىم – 8- شىلدە ارالىعىندا دجاكارتا قالاسىندا ورنالاسقان يندونەزيا رەسپۋبليكاسىنىڭ ۇلتتىق كىتاپحاناسىندا «ديماش: قازاقستاننىڭ التىن داۋىسى» تاقىرىبىمەن وتەدى. ءىس- شارانى ديماش قۇدايبەرگەننىڭ يندونەزيالىق فان- كلۋبى قازاقستان رەسپۋبليكاسىنىڭ يندونەزياداعى ەلشىلىگىمەن جانە يندونەزيا رەسپۋبليكاسىنىڭ قازاقستانداعى ەلشىلىگىمەن بىرلەسىپ ۇيىمداستىرىپ جاتىر.
كورمەدە قازاقستاننىڭ كەرەمەت سۇلۋ تابيعاتىنىڭ فوتوسۋرەتتەرى، سونداي- اق جەرگىلىكتى يندونەزيالىق سۋرەتشىلەر جاساعان ءتۇرلى ونەر تۋىندىلارى ۇسىنىلادى. سونىمەن قاتار كورمەنىڭ ءبىرىنشى كۇنى كىتاپحانانىڭ باس زالىندا ديماشتىڭ كونسەرتتەرىنىڭ ءبىرى ەكران ارقىلى كورسەتىلەدى. شارا ەكى ەل اراسىنداعى دوستىقتى نىعايتۋعا سەپتىگىن تيگىزبەك.
