اقتوبەدە ق ح ر باس كونسۋلدىعى اشىلادى
قىتايدىڭ سىرتقى ساياسي ۆەدومستۆو باسشىسى ەلىمىزدىڭ پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردىمەن ەكىجاقتى ىنتىماقتاستىقتى دامىتۋ ءۇشىن قازاقستانعا رەسمي ساپارمەن كەلدى. ونىڭ سىرتىندا «ورتالىق ازيا - قىتاي» فورماتىندا سىرتقى ىستەر مينيسترلەرىنىڭ Ⅲ وتىرىسىنا قاتىسادى.
تاراپتار ەكى ەلدىڭ مادەني ورتالىقتارىن قۇرۋ ماسەلەسىن پىسىقتادى. مۇحتار تىلەۋبەردى ءوزارا ساۋدانى ىنتالاندىرۋ، ترانزيت- كولىكتىك جانە لوگيستيكالىق سالالارداعى كووپەراتسيانى نىعايتۋ، ادام الماسۋ مەن جولاۋشىلار اۋە قاتىناسىن قالپىنا كەلتىرۋ باعىتىندا كۇش بىرىكتىرۋ قاجەتتىگىن ايتتى. تاراپتار قازاقستان مەن قىتاي اراسىنداعى اۋە قاتىناسى مەن شەكاراداعى وتكىزۋ بەكەتتەرىنىڭ جۇمىسى جاندانعانىن حابارلادى.
مۇحتار تىلەۋبەردى ق ر پرەمەر- ءمينيسترىنىڭ ورىنباسارى - سىرتقى ىستەر ءمينيسترى:
- بيىل 1-ماۋسىمنان باستاپ قازاقستان مەن قىتاي اراسىنداعى تۇراقتى اۋە قاتىناسى قالپىنا كەلتىرىلگەنىن ريزاشىلىقپەن اتاپ وتەمىن. رەيستەردى «Air Astana» مەن «China Southern Airlines» كومپانيالارى ورىندايدى. تاراپتاردىڭ شەشىمىمەن رەيستەردىڭ جيىلىگى ازىرشە اپتاسىنا ەكى مارتە ىسكە اسىرىلادى دەپ ۇيعارىلدى. سونىمەن قاتار مەملەكەتتەرىمىز بىرىككەن ۇلتتار ۇيىمى، ازياداعى ءوزارا ىقپالداستىق جانە سەنىم شارالارى جونىندەگى كەڭەسى، شانحاي ىنتىماقتاستىق ۇيىمى جانە باسقا دا وڭىرلىك جانە حالىقارالىق ۇيىمدار شەڭبەرىندە تىعىز ىقپالداستىقتى ىسكە اسىرىپ كەلەدى.
ۋاڭ ي، ق ح ر سىرتقى ىستەر ءمينيسرى:
- الداعى ۋاقىتتا ىنتىماقتاستىق كوميتەتى، ايماقارالىق ارىپتەستىك سياقتى مەحانيزمدەردى بارىنشا دامىتامىز. قىتاي گلوبال وتكىزۋ مۇمكىندىگىن قامتاماسىز ەتىپ، ترانسكاسپي حالىقارالىق كولىك ءدالىزىنىڭ الەۋەتىن ارتتىرامىز. سونىمەن قاتار 5G سالاسىندا جاڭا نىسانداردى اشۋ، مالىمەتتەر دەرەگىن ۇلعايتۋ جانە جاساندى ينتەلەكتتى كۇشەيتەتىن بولامىز.
www.24.kz
