ق ت ج الاكولگە قاتىنايتىن «تالگو» پويىزىنا بيلەت نەگە ساتىلماي جاتقانىن ءتۇسىندىردى

بۇل تۋرالى قازاقپارات تىلشىسىنە «قازاقستان تەمىر جولى» ۇلتتىق كومپانياسىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

جىلدىڭ باسىندا كۇنارا №211/212 «الماتى- دوستىق» جانە اپتاسىنا ءۇش رەت №453/454 «الماتى- دوستىق» قوسىمشا ەكى «تالگو» پويىزى ىسكە قوسىلاتىنى بەلگىلى بولعان- دى. الايدا بۇگىن «اتامەكەن» ۇلتتىق كاسىپكەرلەر پالاتاسىنىڭ رەسمي سايتىندا الاكول باعىتىندا ۋادە ەتىلگەن «تالگو» پويىزىنا بيلەتتەر ءالى ساتىلماي جاتقانى تۋرالى اقپارات جاريالاندى. ۇلتتىق كومپانيا بۇل مالىمەتتى راستادى.

«بۇل باعىتتا ادەتتەگى پويىزدار كەدەرگىسىز ءجۇرىپ جاتىر جانە بيلەت بار. ال «تالگو» پويىزىنا ازىرگە بيلەت ساتىلىپ جاتپاعانى راس. بۇيىرتسا وسى اپتانىڭ سوڭىندا اشىلادى دەپ وتىرمىز. سول جوسپار بويىنشا 15-16 ماۋسىمنان باستاپ «تالگو» قاتىناي باستايدى. بۇل تۋرالى بۇعان دەيىن دە حابارلاعانبىز. ياعني، جوسپار بويىنشا، «تالگو» پويىزىنا بيلەتتەر اپتانىڭ سوڭىنا دەيىن ساتىلىمعا شىعادى»، - دەدى كومپانيانىڭ باسپا ءسوز حاتشىسى ءمادي مۇحامەتقالي.

ەسكە سالساق، 27-ماۋسىمدا «قازاقستان تەمىر جولى» بيىل جازدا الاكولگە ەكى جولاۋشىلار پويىزى قاتىنايتىنىن حابارلاعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى