پاريجدە «دۋداراي» مەن «قۇسني قورلان» اندەرى شىرقالدى

كامەرالىق كونسەرتكە اۆستريا، يتاليا، فرانسيا، گەرمانيا، تۇركيادان كەلگەن ارتىستەر قاتىستى. تامىرى قازاقتان تاراعان مۋزىكانتتار قانداستارىنا سىي جاساۋ ءۇشىن باس قوستى. كىشى قۇرىلتايعا تاريحي وتانىنان الشاقتا تۇراتىن جۇزدەگەن قازاق جينالدى. ەۋروپانىڭ كونسەرت ساحنالارى مەن تەاترلارىندا ونەر كورسەتەتىن قانداستارىمىز ءبىر- ءبىرىن جاقسى بىلەدى. ءوزارا قولداۋ كورسەتىپ، بىرلەسكەن جوبالار جاساۋعا تىرىسادى. ورايى كەلگەندە قازاقستاندىقتارعا ارناپ، كونسەرت قويۋدى دا داعدىعا اينالدىردى.

لاۋرا ءالي، ءانشى /يتاليا/:

- ءوزارا ارالاسىپ، ءبىر بىرىمىزگە كومەك بەرۋگە تىرىسامىز. ءارقايسىمىز ءوزى تۇرىپ جاتقان قالاسىندا ءبىز ءۇشىن ماڭىزدى شارا ۇيىمداستىرۋعا كۇش سالادى.

قۇدايبەرگەن ءابىلدين، ءانشى /گەرمانيا/:

- ەڭ باستىسى، وتانىمىزبەن بايلانىستا بولۋ. ويتكەنى قازاقستاندا دۇنيەگە كەلدىك. قۇرىلتاي كەزىندە شەتەلگە قازاق مادەنيەتىن تانىتاتىن كونسەرتتە ءان ورىنداۋعا مۇمكىندىك بولسا، مەن العى قاتاردا بولامىن.

ايدانا ماديار، مۋزىكانت /اۆستريا/:

- قازاق مۋزىكاسى وتە ادەمى دەپ سانايمىن جانە ونى وڭاي بەيىمدەۋگە بولادى. ەۋروپالىقتاردىڭ كوڭىلىنەن شىقسىن دەپ، ارانجيروۆاكا جاساۋعا تىرىستىق.

پاريجدەگى ەڭ بەدەلدى ساحنالاردىڭ بىرىندە دۋداراي مەن قۇسني قورلان اندەرى شىرقالدى. تۋعان جەرىن ساعىنعان قۇرىلتاي قوناقتارى ۇلى دالا اۋەندەرىن جىلى قابىلدادى.

راحمان مۋستافايەۆ، ازەربايجاننىڭ فرانسياداعى ەلشىسى:

- وسىنداي شارالاردى فرانسيادا جانە ەۋروپانىڭ وزگە استانالارىندا جيىرەك وتكىزۋدىڭ ماڭىزى زور. ءبىزدى بىرىكتىرەتىن جانە قۇنار الاتىن توپىراعىمىز مادەنيەت. سوندىقتان تۇركى حالىقتاردىڭ مادەنيەتىن ەۋروپاعا جەتكىزگىمىز كەلەدى، بۇل وسى ايماقتاعى بەدەلىمىزدى كۇشەيتەر ەدى. بۇل شارانى وتانداستار قورى مەن فرانسياداعى ەلشىلىگىمىز ۇيىمداستىردى. كونسەرتتەن كەيىن ۇيىمداستىرۋشىلار پاريجدەگى قورقىت مادەني ورتالىعىنىڭ جاس دومبىراشىلارىنا مۋزىكالىق اسپاپتاردى سىيعا تارتتى. بالكىم بولاشاقتا ولار دا وسى ساحنادا ونەرىن كورسەتەدى.

ءاليا سىزدىقوۆا، رۋسلان ءومىرجان

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى