الماتىدا بالالار اراسىندا بۇيرەك اۋرۋى بەلەڭ الدى
«بۇگىنگى تاڭدا بۇيرەك اۋرۋى وتە وزەكتى. ءزار شىعارۋ جولدارىنىڭ ينفەكتسياسى بۇرىن ەكىنشى ورىندا بولسا، قازىر رەسپيراتورلىق اۋرۋلاردان اسىپ ءتۇسىپ، ءبىرىنشى ورىنعا شىقتى. بۇگىنگى كۇنى كوپتەگەن اتا- انا بالالارىنىڭ بۇيرەك پاتولوگياسى مەن ءزار شىعارۋ جولدارىنىڭ ينفەكتسياسىن ەمدەۋ ءۇشىن دارىگەرلەرگە جۇگىنىپ جاتىر. ەڭ الدىمەن، بالالارعا كوپ سۋ ءىشۋ كەرەك، بالالاردىڭ كىشى دارەتىن قۋىقتا ۇزاق ساقتاماۋىن قاداعالاۋ قاجەت. سونىمەن قاتار ءىش قاتۋدىڭ الدىن الۋ كەرەك»، - دەيدى دارىگەر.
ونىڭ ايتۋىنشا، بۇيرەك اۋرۋلارى جانە لەيكوتسيتۋريا، گەماتۋريا تۇرىندەگى ءزار شىعارۋ سيندرومى كەزىندە جالپى ءزار ءاناليزىن تاپسىرىپ، بۇيرەككە ۋلترادىبىستىق زەرتتەۋ جۇرگىزىپ، مامانعا جۇگىنۋ قاجەت. سونىمەن قاتار سپيكەر ۇلدار مەن قىزدار اراسىنداعى بۇيرەك اۋرۋلارىنىڭ 80 پايىزى ميكروبتىق قابىنۋ اۋرۋلارىنا بايلانىستى ەكەنىن اتاپ ءوتتى.
«ءزار شىعارۋ جولدارىنىڭ ينفەكسياسىن نەفرولوگتار عانا ەمەس، سونىمەن قاتار جەرگىلىكتى دارىگەرلەر دە تەكسەرە الادى. بۇل ينفەكسيانى ەمدەۋ دەرەۋ باكتەرياعا قارسى جانە دەمەۋشى تەراپيانى، سونداي- اق پروفيلاكتيكانى قاجەت ەتەدى. ءزار شىعارۋ جولدارىنىڭ ينفەكتسياسى ءبىرىنشى كەزەكتە قىزداردا كەزدەسەدى»، - دەدى ول.
اۆتور: الما مۇقانوۆا
