باتىس قازاقستاندا اسىق اتۋدان قازاقستان چەمپيوناتى مارەگە جەتتى

جارىستىڭ باس تورەشىسى ەرجان وتەعاليەۆتىڭ ءمالىم ەتكەنىندەي، ەكى كۇنگە سوزىلعان بىرىنشىلىككە نۇر- سۇلتان، شىمكەنت، اتىراۋ قالاسى، قوستاناي، پاۆلودار، سولتۇستىك قازاقستان، تۇركىستان، قىزىلوردا باتىس قازاقستان وبلىستارىنان جانە ءبورلى اۋدانىنان 21 جاستان جوعارى 100 ويىنشى قاتىسىپ، باق سىنادى. جارىس قورىتىندىسىندا اسىق اتۋدان ەسەن جۇماعۇلوۆ، ورالبەك اقتىلەۋوۆ، نۇرقانات مولجىگىتوۆ التىننان القا تاقتى. اماندوس ايتقۇلوۆ، الماس قارابايەۆ، بيبولسىن مۇسا، شەرحان كەنەحانوۆ كۇمىس، نۇرجىگىت انۋاربەك ۇلى، نۇرقيسسا مولجىگىت، تيمۋر قالاۋوۆ، ەردوس ءابدىمۇراتوۆ قولا جۇلدەگە يە بولدى.

بەس اسىقتان ايجان سەرىكوۆا، اناركۇل حودجانيازوۆا، پەريزات ەلەمەس چەمپيون اتاندى. جانار سۇلتانوۆا، ماريام اليەۆا، ماريا ستراح، سۆەتلانا نۇرپەيىسوۆا ەكىنشى، ايعانىم جانسۇگىروۆا، ايگەرىم سادىقوۆا جانە اينۇر ناعاشىبايەۆا ءۇشىنشى ورىنعا كوتەرىلدى.

«اسىق اتۋ مەن بەس اسىقتان كوماندالىق ەسەپتە ەلوردالىقتار الدىنا جان سالمادى. اسىق اتۋدان تۇركىستان وبلىسى ەكىنشى، شىمكەنتتىكتەر ءۇشىنشى ورىندى ءبولىستى. بەس اسىقتان قوستاناي وبلىسى ەكىنشى ورىنعا تۇراقتاسا، قىزىلوردالىقتار ۇزدىك ۇشتىككە ىلىكتى. جەڭىمپازدار مەن جۇلدەگەرلەر ديپلومدارمەن، مەدالدارمەن ماراپاتتالدى»، دەدى قازاقپارات تىلشىسىنە ەرجان سپورت ۇلى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى