جۇكتىلىك پەن جۇمىسسىزدىققا تولەنەتىن اقشانى ارتتىرۋ قاراستىرىلۋدا - مينيستر

بۇل تۋرالى ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتىپ بەردى، دەپ حابارلايدى قازاقپارات ءتىلشىسى.

«مەملەكەتتىك الەۋمەتتىك ساقتاندىرۋ قورىنان 300 مىڭنان استام انا جۇكتىلىگى بويىنشا بۇرىنعى ورتاشا ەڭبەكاقىسىنىڭ 100 پايىزىن، ال بالاعا قاراۋ كەزەڭىندە ەڭبەكاقىسىنىڭ 40 پايىزىن الىپ وتىر. سونداي-اق، جۇمىسسىز قالعان 105 مىڭ ازاماتقا ولاردىڭ ەڭبەكاقىسىنىڭ 40 پايىزىنا دەيىن 6 ايعا دەيىن بەرىلىپ جاتىر. كەيىنگى جىلدارى بۇل تولەمدەردىڭ مولشەرىن ەداۋىر كوتەرۋ ماسەلەسى قاراستىرىلۋدا»، - دەدى تامارا دۇيسەنوۆا ۇكىمەتتىڭ بۇگىنگى وتىرىسىندا.

بۇعان دەيىن تامارا دۇيسەنوۆا ياندەكس، ۋبەر، ۆولت جانە گلوۆو پلاتفورمالارىندا جۇمىس ىستەيتىندەردىڭ دە الەۋمەتتىك قۇقىقتارى قورعالاتىنىن ايتقان ەدى.

سونىمەن بىرگە، 24-30-ماۋسىم كۇندەرى بوس جۇمىس ورىندارىنىڭ العاشقى ونلاين-جارمەڭكەسى وتەدى. ودان بولەك، مينيستر قازاقستانداعى جۇمىس كۇشىنىڭ %60 ميللەنيالدار مەن Z بۋىن ەنشىسىندە ەكەنىن ايتقان ەدى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى