ۇلى بريتانيا ءتورت كۇندىك جۇمىس اپتاسىنا وتە باستادى
التى ايعا سوزىلاتىن جانە تاريحتاعى ەڭ ۇلكەن ەكسپەريمەنتكە 70-كە جۋىق كومپانيا قاتىسىپ جاتىر. ونى ەڭبەك اقىسىن جوعالتپاي قىسقارتىلعان جۇمىس اپتاسىن جاقتايتىن باستاماشىل توپ ۇيىمداستىردى. ەكسپەريمەنتكە قاتىسۋشىلار جۇمسالعان ۋاقىتتىڭ %80 ءۇشىن جالاقىسىنىڭ %100 الادى، ءبىراق ولاردان ەڭبەك ونىمدىلىگىنىڭ ارتۋى تالاپ ەتىلەدى. ەكسپەريمەنتتى وكسفورد پەن كەمبريدجدىڭ بريتاندىق عالىمدارى جانە ولاردىڭ بوستونداعى امەريكالىق ارىپتەستەرى Autonomy اناليتيكالىق كومپانياسىمەن بىرلەسە وتىرىپ باسقارادى.
ەكسپەريمەنتكە قاتىسۋعا باعدارلامالىق جاساقتاما جاساۋشىلار مەن جۇمىسپەن قامتۋ كەڭسەلەرىنەن باستاپ قايىرىمدىلىق ۇيىمدارى مەن جەرگىلىكتى فيش- ەند- چيپس تاماقتانۋ ورىندارى سياقتى كوپتەگەن كومپانيالار جازىلدى. 3 مىڭعا جۋىق ادام تارتىلعان بريتاندىق ەكسپەريمەنت - بۇل جاھاندىق باستامانىڭ ءبىر بولىگى عانا. وسىعان ۇقساس تاجىريبەلەر يرلانديا، ا ق ش، كانادا، اۋستراليا جانە جاڭا زەلانديادا وتكىزىلىپ جاتىر.
«قاتاڭ كوپجىلدىق جۇمىس ءتارتىبىن ۇستانۋدىڭ ەش ءمانى جوق. كوپتەگەن جاعدايدا ءسىز % 100 ونىمدىلىك بەرۋىڭىز مۇمكىن. مۇنى وسىنى قولدانىپ جاتقان كومپانيالاردىڭ تاجىريبەسى راستاي الادى»، - دەيدى «جاھاندىق ءتورت كۇندىك جۇمىس اپتاسى» جوباسىنىڭ جەتەكشى زەرتتەۋشىسى، بوستون كوللەدجىنىڭ ەكونوميست، الەۋمەتتانۋشىسى دجۋلەت شور. زەرتتەۋشى مۇنداي رەجيمنىڭ بارىنە جانە ءار ماماندىققا ساي كەلمەيتىنىن ايتتى.
