كونستيتۋتسيادا حالىقارالىق جانە الەۋمەتتىك جاعدايلار تولىق ەسكەرىلگەن - قىرعىزستاندىق ساياساتتانۋشى

قىرعىزستاندىق ساياساتتانۋ جانە زاڭ عىلىمدارىنىڭ دوكتورى قاناتبەك ازيز وسىنداي پىكىر ءبىلدىردى، دەپ حابارلايدى قازاقپارات ءتىلشىسى.

«وتكەن رەفەرەندۋم - قازاقستان قوعامى مەن بيلىگى ءۇشىن ماڭىزدى پروتسەسس. مەن اسا نازار اۋدارعان نەگىزگى وزگەرىستەردىڭ ءبىرى - سۋپەرپرەزيدەنتتىك باسقارۋ جۇيەسىنەن باس تارتۋ. بۇرىن قىرعىزستاندا سۋپەرپرەزيدەنتتىك جۇيە بولدى. ول كەزدە ءبىزدىڭ ەلدە كوپتەگەن كادرلىق قاتەلىك ورىن الدى، جەرگىلىكتى جەرلەردە الەۋمەتتىك ماسەلەلەر تۋىندادى. تاجىريبە كورسەتكەندەي، ءبىر قولعا شوعىرلانعان بيلىككە قاراعاندا، ارالاس بيلىكتىڭ جۇمىسى ناتيجەلى بولادى»، - دەدى قاناتبەك ازيز.

ساياسات تانۋشىنىڭ پىكىرىنشە، كونستيتۋتسيالىق وزگەسىرتەر بۇگىنگى حالىقارالىق جانە ىشكى الەۋمەتتىك جاعدايلاردى ەسكەرە وتىرىپ جاسالعان.

ونىڭ سوزىنشە، بۇل - ەلدىڭ تۇراقتى ءارى تابىستى دامۋىن قامتاماسىز ەتەدى. سونداي-اق ساياساتتانۋشى ماجوريتارلىق سايلاۋ جۇيەسىنە كوشۋگە قاتىستى پىكىر ءبىلدىرى.

«بۇل ۋاقىتقا دەيىن قازاقستان پارلامەنتى سايلاۋشىلارعا تىكەلەي قاتىستى بولعان جوق. ال ەندى وزگەرگەن كونستيتۋتسيا بويىنشا پارلامەنت مۇشەلەرىن حالىق تاعايىندايدى، ولاردىڭ قىزمەتىن مەرزىمىنەن بۇرىن توقتاتا الادى. تاياۋدا قىرعىزستان دا وسى ماجوريتارلىق جۇيەنى قايتارۋ باستاماسىن كوتەردى. ياعني، دەپۋتات قانداي دا ءبىر ساياسي پارتياعا ەمەس، تىكەلەي سايلاۋشىعا بايلانىستى بولۋى قاجەت»، - دەپ اتاپ ءوتتى ساياساتتانۋ عىلىمدارىنىڭ دوكتورى.

بۇدان بولەك قاناتبەك ازيز تاياۋدا بولۋى مۇمكىن وزگەرىستەرگە توقتالدى.

ساياساتتانۋشىنىڭ پايىمىنشا، پارلامەنت وزگەرگەن كوستيتۋتسياعا ساي كەزەكتەن تىس سايلاۋ وتكىزۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى