قازاقستاندىق جاس دزيۋدوشىلار ەۋروپا كۋبوگىندا التى مەدالعا يە بولدى

ۇلتتىق وليمپيادا كوميتەتىنەن ءمالىم ەتكەنىندەي، قازاقستان جاستار قۇراماسى ەكى التىن، ەكى كۇمىس، ەكى قولا جۇلدەگە يە بولدى.

جامبىل وبلىسىنىڭ وكىلى نۇرقانات سەرىكبايەۆ 60 كەلى، باتىس قازاقستاندىق نۇرسۇلتان زايزاعاليەۆ 66 كەلى سالماقتا قارسىلاستارىنىڭ ءبارىن تىزە بۇكتىرىپ، چەمپيون اتاندى.

مەرەي مارحانبەتوۆ 60 كەلى، قىزدار اراسىندا ايدا تويشىبەكوۆا 78 كەلىدەن استام سالماقتا ەكىنشى ورىنعا كوتەرىلدى.

سونداي-اق ماكسيم مەيىرلان 81، ەسميگۇل كۋيۋلوۆا 63 كەلى سالماقتا ۇزدىك ۇشتىككە ىلىكتى.

جالپى كوماندالىق ەسەپتە قازاقستان قۇراماسى جاپونيادان كەيىن ەكىنشى ورىنعا شىقتى.

قازاقستاندىق بوزبالالاردى ازامات مۇقانوۆ پەن ايبەك يماشيەۆ جاتتىقتىرسا، قىزداردىڭ باپكەرلەرى - ارسەن حاتيپ پەن نۇربەك مىقتىبەكوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى