جەكە ۇيلەردى گازعا قوسۋ قىزمەتى ەسەلەپ ارزاندايدى

ماجىلىستەگى ۇكىمەت ساعاتىنان كەيىن تىلشىلەر كومپانيا باسشىسىنا ەلوردادا گازعا قوسۋ قىزمەتى قۇنىنىڭ ارزانداۋى مۇمكىندىگىنە قاتىستى سۇراق قويدى.

«2022 -جىلدىڭ 1- قاڭتارىنا دەيىن «قازترانسگاز ايماق» باسەكەلەستىك نارىققا قاتىسقان بولاتىن. ولار گازدى ءۇيدىڭ ىشىنە دەيىن قوسۋدى قامتاماسىز ەتكەن. ولاردىڭ قىزمەتى 1- قاڭتاردا توقتاعان، ويتكەنى ق ر باسەكەلەستىكتى قورعاۋ جانە دامىتۋ اگەنتتىگى سالاداعى باسەكەلەستىككە نۇقسان كەلتىرەسىڭدەر دەگەن ءۋاج ايتقان. قازىرگى كەزدە اگەنتتىك بۇل ماسەلەگە بايلانىستى تۇسىنىستىك تانىتىپ وتىر. وسى ورايدا «قازترانسگاز ايماق» كومپانياسى قايتادان وسى نارىقتاعى قىزمەتىن جانداندىرۋى مۇمكىن. بۇل رەتتە گازدى ۇيگە تارتۋ قىزمەتىنىڭ قۇنى ارزانداۋى ىقتيمال»، - دەدى س. جاركەشيەۆ.

وسى ورايدا ول جەكە ۇيلەردى گازعا قوسۋ قىزمەتىنە تولەم سوماسى ەسەلەپ ارزاندايتىنىن اتاپ ءوتتى.

«ءبىزدىڭ قىزمەتتىڭ قۇنى - 113 مىڭ تەڭگە. ال جەكە مەردىگەرلەر 400-450 مىڭ تەڭگە شاماسىندا گازعا قوسىپ ءجۇر. وسى ورايدا باسەكەلەستىكتىڭ ارقاسىندا بۇل قىزمەتتىڭ قۇنى 3 ەسە ارزادايدى دەگەن ويدامىز. قازاقستان بويىنشا بەكىتىلگەن ءبىر باعا قالىپتاسپاق»، - باسقارما ءتوراعاسى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى