رەسەيدەن ەكى جولمەن گاز تارتۋعا بولادى - ەنەرگەتيكا ءمينيسترى
«سولتۇستىك پەن شىعىستاعى وڭىرلەردى گازداندارۋدىڭ ەكى جولى بار. ول تۋرالى بۇعان دەيىنگى كەزدەسۋلەردە تالاي رەت ايتتىق. ب ا ق وكىلدەرىنىڭ ساۋالىنا جاۋاپ بەرگەندە دە ايتىلدى. ءبىرىنشى جول - رەسەي فەدەراتسياسىنىڭ اۋماعىنان قۇبىر تارتۋ. بۇل ماسەلە قازاقستان- رەسەي جۇمىس توبىنىڭ اياسىندا قارالىپ جاتىر. گاز قۇبىرىنىڭ ەڭ ءتيىمدى نۇسقاسى انىقتالدى. كارتادان قاراساڭىزدار، سەمەي، وسكەمەن، پاۆلودار وڭىرلەرىن بارناۋىل ارقىلى گازداندىرۋعا بولادى. قۇبىردىڭ بولجامدى ۇزىندىعى 1000 شاقىرىمداي»، - دەدى مينيستر.
سونداي- اق، پەتروپاۆل ارقىلى ەلورداعا دەيىن گاز قۇبىرىن تارتۋ جوباسى پىسىقتالىپ جاتقان كورىنەدى.
«ەكىنشى بولىگى - رەسەي اۋماعىنداعى ەسىلدەن قۇبىر تارتۋ. پەتروپاۆل- كوكشەتاۋ- نۇر- سۇلتان اراسىن جالعايتىن قۇبىر. قازىر ەسەپتەپ جاتىرمىز. رەسەي تاراپىنىڭ قاجەت كولەمدە گاز بەرۋگە دايىن ەكەنى تۋرالى كەلىسىمى بار. قازىر ءبىز تۇتىنۋ كولەمىن دۇرىستاپ ەسەپتەۋىمىز كەرەك. گاز قۇبىرىن توسەۋدىڭ ءتيىمدى ەسەبىن دە جاساۋ قاجەت»، - دەدى ەنەرگەتيكا ءمينيسترى.
بۇعان دەيىن ق ر ەنەرگەتيكا مينيسترلىگى رەسەيدەن گاز تارتۋ ءۇشىن شەكارالاس وبلىستاردىڭ قاجەتتىلىكتەرىن زەرتتەپ جاتقانىن حابارلاعان ەدى.
اۆتور: ەسىمجان ناقتىباي
