مەملەكەتتىك رامىزدەر كۇنىنە وراي اۆتوشەرۋ ءوتتى - فوتو

پەتروپاۆلدا مەملەكەتتىك رامىزدەردىڭ 30 جىلدىعىنا وراي جانە الداعى رەفەرەندۋمدى قولداۋ ماقساتىندا اۆتوشەرۋ ءوتتى. ءىس-شارانى وبلىس ورتالىعىنداعى جاستار قوعامدىق ۇيىمدارى وتكىزدى. پەتروپاۆل تۇرعىنى ميحايل بيتكوۆ اۆتوشەرۋ وتەتىندىگىن اۆتوكلۋبتاعى تانىستارىنان بىلگەن.

جىگىت كولىگىن سايلاپ، كوك تۋدى ءىلىپ، بۇگىن باسقالارمەن بىرگە جولعا شىقتى.

«ەستىسىمەن بىردەن قاتىسامىن دەپ شەشتىم. بۇل پاتريوتيزمدى ناسيحاتتايتىن ماڭىزدى اكسيالاردىڭ ءبىرى. اسىرەسە جاستاردى وتانسۇيگىشتىككە تاربيەلەيدى. ەلىمىزدىڭ نەگىزگى نىشاندارىن قۇرمەتتەۋگە، ماقتان تۇتۋعا مىندەتتىمىز»، - دەيدى ميحايل بيتكوۆ.

پەتروپاۆل اۋەجايىنان باستالعان ءىس-شارانىڭ بيىلعى ەرەكشەلىگى - وبلىس ورتالىعىنداعى نەگىزگى كوشەلەردى بارىنشا قامتۋعا تىرىسقان.

«اۆتوشەرۋگە پەتروپاۆلداعى اۆتوكلۋبتار، ۆولونتەرلەر جانە قالا تۇرعىندارى قاتىستى. الدىن الا حابارلاندىرۋ بەرگەن ەدىك، جاستار بىردەن قولداۋ ءبىلدىردى. بۇگىننەن باستاپ كوپ قاباتتى ۇيلەردىڭ بالكوندارىنا كوك تۋىمىزدى ءىلىپ جاتىر. ەرتەڭ ساعات 10.00-دە ءبىر مەزەتتە رەسپۋبليكا بويىنشا گيمن ايتىلادى. ءبىز دە سوعان قوسىلامىز. ماقسات - مەملەكەتتىك رامىزدەرگە قۇرمەتىمىزدى كورسەتۋ جانە پاتريوتيزمدى ناسيحاتتاۋ»، - دەيدى پەتروپاۆل قالالىق جاستار رەسۋرستىق ورتالىعىنىڭ جەتەكشىسى ءالفارابي مىڭباي.

اۆتور: اقەركە داۋرەنبەك قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى