قازاقستاندا جەڭىلدەتىلگەن اۆتونەسيە الۋ ءۇشىن ءوتىنىش قابىلداۋ توقتاتىلدى
بۇعان مەملەكەت تاراپىنان بولىنەتىن قاراجاتتىڭ توقتاپ قالۋى سەبەپ بولعان، دەپ حابارلايدى inbusiness.kz سايتى.
«قازىرگى كۇنگە دەيىن 9 مىڭعا جۋىق ءوتىنىش قابىلدانعان. قارجىلاندىرۋدىڭ ءبىرىنشى ترانشى اياقتالدى. وتىنىشتەردى قابىلداۋ 20- مامىردان باستاپ توقتاتىلعان. وتىنىمدەردى قابىلداۋ قاشان باستالاتىنى ياعني مەملەكەتتەن قاراجاتتىڭ ەكىنشى ترانشىنىڭ تۇسەتىن ۋاقىتى ءالى بەلگىسىز»، - دەيدى ەۋرازيالىق بانكتىڭ باسپا ءسوز قىزمەتى.
بانك مەنەدجەرلەرى وتىنىشتەر شەگىنىڭ سوڭىنا جەتكەنىن ايتادى. ءتىپتى ءوزىنىڭ قالاۋىنداعى كولىككە وتكەن جىلدان بەرى كەزەككە تۇرعانداردىڭ ءوزى كولىككە قول جەتكىزە الماعان. جەڭىلدەتىلگەن نەسيە الۋعا رۇقساتتى ءوتىنىش بەرىپ ۇلگەرگەن قازاقستاندىقتار الادى. ءبىراق كولىك الۋ ءۇشىن نەسيە الۋدى ەندى ويعا العان ادامدار ءبىراز ۋاقىتقا دەيىن كەزەككە تۇرا المايدى.
نۇر-سۇلتان قالاسى، تۇران داڭعىلىندا ورنالاسقان Kia Allur اۆتوسالونىندا كولىكتەر جەتكىلىكتى، ءبىراق سوڭعى كەزدەرى بانكتەر ارقىلى نەسيەلەۋگە قارجى بولىنبەي قويعانىن ايتادى. ازىرگە تەك ForteBank عانا وتىنىمدەردى قابىلداۋدى جالعاستىرۋدا. جالپى اۆتوسالونداردا كەزەكتە تۇرعانداردىڭ سانى 13 مىڭ ادامدى قۇرايدى.
«بانكتەردە اقشا از قالدى، ەندى كەزەككە تۇرعاندار كولىك الا المايدى»: ەلىمىزدە جەڭىلدەتىلگەن اۆتونەسيە تۇرالاپ، كولىك تاپشىلىعى ۋشىعىپ بارادى
Kia Allur اۆتوسالونىنىڭ مالىمەتىنشە، مەحانيكالىق قوراپتاعى وتاندىق كولىكتىڭ ەڭ تومەنگى قۇنى 7,8 ميلليون تەڭگەنى قۇرايدى. قالعان كولىكتەردىڭ باعاسى 8 ميلليون تەڭگەدەن جانە ودان دا جوعارى. وتاندىق ءوندىرىستىڭ كەڭ تارالعان برەندتەرى - Chevrolet، JAC، Kia، Hyundai كولىكتەرى.
ال ranking.kz سايتىنىڭ مالىمەتىنشە، ماۋسىم ايىنىڭ باسىندا 24,19 مىڭ ءوتىنىش قابىلدانىپ، 72,7 ميلليارد تەڭگە سوماسىندا 9,84 مىڭ ءوتىنىش ماقۇلدانعان. باعدارلاما اياسىندا قازاقستاندىقتارعا بارلىعى 1618 اۆتوكولىك بەرىلگەن.
باعدارلامانىڭ شارتتارى بارلىق بانكتەردە بىردەي: سىياقى مولشەرلەمەسى %4، نەسيە سوماسى 10 ميلليون تەڭگەگە دەيىن، قارجىلاندىرۋ مەرزىمى 7 جىلعا دەيىن، باستاپقى جارنا 0 پايىزدان باستاپ، كولىكتىڭ باعاسى 15 ميلليون تەڭگەدەن اسپاۋى شارت.
stan.kz
