مينيستر جوندەۋ جۇمىستارىن اياقپەن بارىپ كورۋ ءۇشىن جولعا شىقتى
ۆەدومستۆو باسشىسى بۇل تۋرالى الەۋمەتتىك جەلىدەگى پاراقشاسىندا جازدى، دەپ حابارلايدى قازاقپارات.
«نەگىزگى ماقساتىم - وڭىردەگى رەسپۋبليكالىق ماڭىزى بار جولدارداعى جوندەۋ جۇمىستارىن قاداعالاۋ. الداعى ەكى كۇندە ورالدان اتىراۋعا دەيىن كولىكپەن ءجۇرىپ ءوتىپ، جولداعى قۇرىلىس جۇمىستارىنىڭ جاي- كۇيىمەن ەگجەي- تەگجەيلى تانىسۋدى جوسپارلاپ وتىرمىن. نەگىزىندە، جۇمىس ورنىندا وتىرىپ، ماسەلەنى سىرتتاي باقىلاپ، تاپسىرما بەرۋ - ءبىر باسقا.
«ءجۇز رەت ەستىگەنشە، ءبىر رەت كور» دەمەكشى، جۇمىستار جۇرگىزىلىپ جاتقان جەرگە كەلىپ، ءوز كوزىڭمەن كورۋ - بولەك»، - دەپ جازدى قايىربەك وسكەنبايەۆ.
مينيستر ورال - كازتالوۆكا اۋىلى، كازتالوۆكا - جانىبەك - ر ف شەكاراسى، ونەگە - بيسەن - سايقىن، حان ورداسى اۋىلى - قۇرمانعازى اۋىلى (گانيۋشكينو)، اتىراۋ - استراحان باعىتى بويىنشا ءجۇرىپ وتپەك.
ۆەدومستۆو باسشىسى قازىر باتىس قازاقستان وبلىسىنداعى «كازتالوۆكا - جانىبەك – ر ف شەكاراسى» جانە «ونەگە - بيسەن - سايقىن» اۆتوجولدارىندا، ياعني جالپى ۇزىندىعى 248 شاقىرىم بولاتىن نىساندا كۇردەلى جوندەۋ جۇمىستارى ءجۇرىپ جاتقاندىعىنا توقتالادى. مۇنىڭ 55 شاقىرىمى پايدالانۋعا بەرىلگەنىن اتاپ وتكەن. بۇعان دەيىن حابارلانعانىنداي، بقو- دا جول جوندەۋ جۇمىستارىنا 15 ميلليارد تەڭگە بولىنگەن.
