اقمولا وبلىسىندا مەملەكەتتىك سەكتور قىزمەتكەرلەرى تۇرمە ارالادى
اقمولا وبلىسى بويىنشا سىبايلاس جەمقورلىققا قارسى ءىس- قيمىل دەپارتامەنتى باسپا ءسوز قىزمەتىنىڭ مالىمەتىنشە، «كوكشەتاۋ تاجىريبە- وندىرىستىك شارۋاشىلىعى» ج ش س مەن «اسىل تۇلىك» مال شارۋاشىلىعىنداعى اسىل تۇقىمدى ءىس جونىندەگى رەسپۋبليكالىق ورتالىق» ا ق جۇمىسكەرلەرى ستەپنوگور قالاسىنىڭ ە س-166/18 مەكەمەسىنە بارىپ، سوتتالعانداردى ۇستاۋ جاعدايىمەن تانىستى.
«ءىس- شاراعا قاتىسۋشىلارعا سوتتالعاندارعا ارنالعان جاتاقحانا، اسحانا، تاربيە جۇمىسىنا ارنالعان بولمە، تارتىپتىك يزولياتور كورسەتىلدى. سونداي-اق، كولونيا بازاسىنىڭ تىگىن سەحىندا بولىپ، جازاسىن وتەپ جاتقان ادامدار جۇمىسىمەن تانىستى. مەملەكەتتىك قىزمەتشىلەردى جانە كۆازيمەملەكەتتىك سەكتور قىزمەتكەرلەرىن قىلمىستىق- اتقارۋ جۇيەسى مەكەمەلەرىنە ەكسكۋرسيا جاساۋداعى باستى ماقسات، ولاردىڭ سىبايلاس جەمقورلىق ارەكەتتەرىنىڭ سالدارىن ۇعىنۋىنا جانە الداعى ۋاقىتتا قۇقىق بۇزۋشىلىقتارعا جول بەرمەۋگە باعىتتالعان»، - دەدى ۆەدومستۆودان.
ايتا كەتەيىك، بۇعان دەيىن گرانيتنىي كەنتى مەن ستەپنوگور قالاسىنىڭ تۇزەتۋ كولونيالارىنا مادەنيەت سالاسىنىڭ وكىلدەرى، سونداي-اق ا. بارايەۆ اتىنداعى استىق شارۋاشىلىعى عىلىمي- وندىرىستىك ورتالىعىنىڭ جانە اگروينجەنەريا عىلىمي-وندىرىستىك ورتالىعى اقكول فيليالىنىڭ ۇجىمدارى بارعان بولاتىن.
اۆتور: اسلان وسپانوۆ
