قازاقستاندىق ازيا چەمپيونىنىڭ كاسىپقويداعى قارسىلاسى بەلگىلى بولدى
نۇرماعانبەت كەلەسى كەزدەسۋىن 4- ماۋسىم كۇنى وتكىزەدى. BoxRec اقپاراتى بويىنشا، ونىڭ قارسىلاسى 28 جاستاعى امەريكالىق حاينەلل ۋيلەر (7-1، 6 KO) بولادى.
بۇل كەزدەسۋ ءتورت راۋندقا جوسپارلانعان. اتالعان جەكپە-جەك 4- ماۋسىم كۇنى ميننەاپوليس (ميننەسوتا، ا ق ش) قالاسىندا Tom Brown (TGB Promotions) پروموۋتەرلىك كومپانياسى ۇيىمداستىراتىن بوكس كەشىندە بولادى.
ال وسى بوكس كەشىنىڭ باستى ايقاسىندا امەريكالىق ستيۆەن فۋلتون وتانداسى دانيەل رومانومەن ەكىنشى جەڭىل سالماقتا WBC جانە WBO بەلبەۋىنە تالاسادى.
ايتا كەتەيىك، نۇرماعانبەت وسىعان دەيىنگى كەزدەسۋلەرىن بەلارۋس، رەسەي جانە قازاقستاندا وتكىزگەن. وتانداسىمىز ءبىرىنشى مارتە مۇقيتتىڭ ارعى جاعىندا جۇدىرىقتاسادى.
ەسكە سالايىق، نۇرماعانبەت اۋەسقوي بوكستا قازاقستان قۇراماسىندا كوشباسشىلاردىڭ ءبىرى بولدى. بىلتىر ول بەلگرادتاعى الەم بىرىنشىلىگىنە قاتىستى. ءبىراق ءبىرىنشى اينالىمنان اسا الماي قالدى. ول 2019-جىلى ازيا چەمپيونى اتانعان بولاتىن.
