دارىگەرلەر قولىن ەت تارتقىشقا تۋراپ العان ءبىر جاسار بالانى امان الىپ قالدى
قازىر بالاعا وتا جاسالىپ، دارىگەرلەر بالانىڭ قولىنداعى بارلىق تامىرلارىن جالعاپ، ونى قالپىنا كەلتىردى.
«تالعار اۋداندىق ورتالىق اۋرۋحاناسىنىڭ قابىلداۋ بولىمىنە اۋىر وڭ قول جاراقاتىن العان ءبىر جارىم جاسار بالا ءتۇستى. ول وڭ قولىن جۇمىس ىستەپ تۇرعان ەلەكتر ەت تارتقىشقا تۋراپ العان. وپەراتسيا تالعار اۋداندىق ورتالىق اۋرۋحاناسىنىڭ بىلىكتى دارىگەرلەرى مەن وپەراتسيالىق قىزمەتكەرلەرى جاسادى. قازىر ناۋقاس ءبۇلدىرشىن ينتەنسيۆتى تەراپيا بولىمىندەگى پالاتادا جاتىر. ونىڭ جاعدايىن رەانيماتولوگ دارىگەرلەر باقىلاۋدا» - دەلىنگەن الماتى وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ حابارلاماسىندا.
اۆتور: سامال قابىشيەۆا
