فۋتبولدان ارگەنتينا قۇراماسى ەكىنشى مارتە «فيناليسسيما» ويىنىندا جەڭىمپاز بولدى

ەۋروپا جانە وڭتۇستىك امەريكا قۇرلىقتارىنىڭ چەمپيوندارى اراسىنداعى باسەكە 29 جىلدان كەيىن قايتا جاڭعىردى. انگليا استاناسى لوندون قالاسىنداعى «ۋەمبلي» ستاديونىندا وتكەن كەزدەسۋدە ارگەنتينالىق فۋتبولشىلار جيناقى قيمىل كورسەتتى. ناتيجەسىندە قارسىلاستار قاقپاسىنا جاۋاپسىز ءۇش گول سوعىپ كەتتى.

بۇل گولداردى لاۋگارو مارتينەس 28، انحەل دي ماريا 45، پاۋلو ديبالا 90-مينۋتتاردا وزدەرىنىڭ ەنشىسىنە جازدى. وسىلايشا ارگەنتينالىقتار 29 جىلدان كەيىن تاعى ءبىر مارتە اتالعان كۋبوكتى توبەسىنە كوتەردى.

1993 -جىلى ارگەنتينا مەن دانيا ويناپ، نەگىزگى كەزەڭ 1:1 ەسەبىمەن تەڭ اياقتالدى. پەنالتيدەن ارگەنتينالىق فۋتبولشىلار 5:4 ەسەبىمەن باسىم تۇسكەن ەدى. ودان بۇرىن 1985 -جىلى فرانسيا ۋرۋگۆايدى 2:0 ەسەبىمەن ءسۇرىندىردى. اتالعان باسەكە بۇگىنگە دەيىن نەبارى 1985، 1993 -جىلداردا ەكى مارتە وتكىزىلگەن.

اۆتور: ءادىلجان ۇمبەت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى